బస్తీ దవాఖానాల్లో 60 శాతం నిధులు కేంద్రానివే 

టీఆర్‌‌‌‌‌‌‌‌ఎస్‌‌‌‌‌‌‌‌ తమ ఘనతగా చెప్పుకొంటున్న ఆ ఆస్పత్రులకు 60 శాతం నిధులు కేంద్రమే ఇస్తోంది. మెడిసిన్‌‌‌‌‌‌‌‌, డాక్టర్లు, సిబ్బంది జీతాల వరకు అన్నింటికీ నేషనల్‌‌‌‌‌‌‌‌ హెల్త్‌‌‌‌‌‌‌‌ మిషన్‌‌‌‌‌‌‌‌ (ఎన్‌‌‌‌‌‌‌‌హెచ్‌‌‌‌‌‌‌‌ఎం) కింద డబ్బులు కేటాయిస్తోంది. బస్తీ దవాఖానాలకు వందలో రూ.60 కేంద్రం, రూ.40 రాష్ట్రం పెట్టుకుంటున్నాయి.

కేంద్రం నిధులిస్తున్నా ఏర్పాటులో ఇన్నాళ్లూ శ్రద్ద చూపని కేసీఆర్ ప్రభుత్వం ఎన్నికల ముందు హడావుడిగా ప్రారంభోత్సవాలు చేసింది. గ్రేటర్‌‌‌‌‌‌‌‌‌‌‌‌‌‌‌‌లోని 150 డివిజన్లలో 300 బస్తీ దవాఖాన్లు ఏర్పాటు చేయాలని లక్ష్యంగా పెట్టుకున్నారు.

ఇప్పటివరకు 224 దవాఖాన్లు ఏర్పాటు చేశారు. వీటిల్లో మూడున్నర నెలల్లోనే 56 దవాఖాన్లను ప్రారంభించారు. జీహెచ్‌‌‌‌‌‌‌‌ఎంసీ ఎన్నికల దృష్ట్యా చిన్న చిన్న రూములకు దవాఖానా బోర్డు తగిలించి ఓపెనింగ్ చేశారు. చాలా చోట్ల కనీస వసతులు లేకపోగా డాక్టర్లు, సిబ్బందినీ నియమించలేదు. ఇతర చోట్ల నుంచి డాక్టర్లను పంపించి ప్రస్తుతానికి మేనేజ్ చేస్తున్నారు. ఎన్నికల తర్వాత వీటిని పట్టించుకుంటారన్న నమ్మకం లేదు.