దేశం సుభిక్షంగా ఉండాలంటే మోదీ రావాలి

గురువారం నిజామాబాద్ జిల్లా కేంద్రంలో పాత కలెక్టరేట్ మైదానంలో ఎంపీ అభ్యర్థి ధర్మపురి అరవింద్ కు మద్దతుగా బీజేపీ ఆధ్వర్యంలో నిర్వహించిన బహిరంగ సభలో  ముఖ్య అతిథిగా పాల్గొంటూ  బీఆర్‌ఎస్‌- కాంగ్రెస్‌ రెండూ ఒక్కటేనని, ఆ రెండు పార్టీల వైఖరి ఒకేలా ఉంటోందని, ఆ రెండు దొందు.. దొందేనని ధ్వజమెత్తారు. 

దేశంలో కాంగ్రెస్ కు, రాష్ట్రంలో బీఆర్ఎస్ రెండు కుటుంబ పార్టీలు, ప్రజలను దోచుకోవడానికి, ఓట్లు అడగడానికి వస్తున్నాయని చెబుతూ అభివృద్ధిపై ప్రజలు నిలదీయాలని పిలుపునిచ్చారు.  ఉత్తరకాండ్ ప్రాంతం గంగోత్రి, యమునా, భద్రీనాథ్, కేదార్నాథ్ దేవతలు కొలువు దిరిన ప్రాంతమని చెబుతూ ఆ ప్రాంతాలను పూర్తిగా అభివృద్ధి చేసిన ఘనత ప్రధాని మోదీకే దక్కుతుందని స్పష్టం చేశారు. 

ఎంపీ ధర్మపురి అరవింద్ సమర్థవంతుడని, ప్రధాని మోదీ సహకారంతో నిజామాబాద్ జిల్లాని ధర్మపురి అభివృద్ధి చేశాడని గుర్తు చేశారు. ఈ సభలో ఇంతమంది ఉత్తేజం, జోష్ ని చూస్తుంటే నిజా మాబాద్ జిల్లాలో భారీ మెజారిటీతో ధర్మపురి అరవింద్ ని గెలిపిస్తారని నమ్మకం ఉందని ధీమా వ్యక్తం చేశారు. ఎన్ని దుష్టశక్తులు కుట్రలు పన్నినా 400 సీట్లతో అత్యధిక మెజార్టీతో కేంద్రంలో బీజేపీ వస్తుందని ధీమా వ్యక్తం చేశారు.