కర్ణాటకలో బీజేపీకి.. హిమాచల్‌లో కాంగ్రెస్‌కు ఝలక్

ఈ సందర్భంగానే ప్రధాన పార్టీలైన బిజెపి, కాంగ్రెస్ పార్టీలకు క్రాస్‌ ఓటింగ్‌ ప్రభావం చాపింది.  హిమాచల్‌ ప్రదేశ్‌లో అధికారంలో ఉన్న కాంగ్రెస్ పార్టీ అభ్యర్థి ఓటమి చెందారు. ఉత్తర్‌ప్రదేశ్‌లో బీజేపీకి అనుకూలంగా ప్రతిపక్ష ఎమ్మెల్యేలు ఓటు వేయగా,  కర్ణాటకలో మాత్రం బీజేపీకి గట్టి ఎదురుదెబ్బ తగిలింది.

ఉత్తర్‌ప్రదేశ్‌లో 10 రాజ్యసభ స్థానాలకు ఓటింగ్‌ జరిగింది. ఈ 10 స్థానాలకు బీజేపీ 8 మంది అభ్యర్థులను పోటీలో నిలిపింది. సమాజ్‌వాదీ పార్టీ ముగ్గురిని బరిలో ఉంచింది. అయితే యూపీలో ఏడుగురు సమాజ్‌వాదీ పార్టీ ఎమ్మెల్యేలు బీజేపీకి అనుకూలంగా క్రాస్‌ ఓటింగ్‌ చేసినట్లు తెలుస్తోంది. అయితే బిజెపి తన బలంకన్నా ఒక సీటు ఎక్కువగా 8 సీట్లు  గెల్చుకోగా,ప్రతిపక్షం  సమాజ్‌వాదీ పార్టీ టీ రెండు సీట్లతో సరిపెట్టుకోవాల్సి వచ్చింది.