మ‌హిళ‌ల్లో జ‌రిగే రుతుస్రావం వైక‌ల్యం కాదు

మ‌హిళ‌ల్లో జ‌రిగే రుతుస్రావం వైక‌ల్యం కాదని కేంద్ర మ‌హిళా, శిశు అభివృద్ధి శాఖ మంత్రి స్మృతీ ఇరానీ స్పష్టం చేశారు. నెల‌స‌రి అయ్యే మ‌హిళ‌ల‌కు పెయిడ్ లీవ్ ఇవ్వాల‌ని ఆర్జేడీ నేత మ‌నోజ్ కుమార్ జా రాజ్య‌స‌భ‌లో వేసిన ప్ర‌శ్న‌కు ఆమె బ‌దులు ఇచ్చారు. పెయిడ్ లీవ్‌ను వ్య‌తిరేకిస్తున్న‌ట్లు ఆమె చెప్పారు. 

మ‌హిళ‌ల‌కు రుతుస్రావం కావ‌డం స‌మ‌స్య కాదు అని, నెల‌స‌రి, రుతుక్ర‌మం వైకల్య‌మే కాదని ఆమె తెలిపారు. ఇది మ‌హిళ‌ల జీవితాల్లో స‌హ‌జ‌మైన ప్ర‌క్రియ అని మంత్రి స్మృతీ ఇరానీ తెలిపారు.మ‌హిళా ఉద్యోగుల‌కు ఇచ్చే లీవ్‌ల అంశంలో ఎటువంటి చ‌ర్య‌లు తీసుకుంటున్నార‌ని ఆర్జేడీ నేత జా ప్ర‌శ్న వేశారు.

రుతుస్రావం వంక‌తో స‌మాన అవ‌కాశాల్ని దూరం చేయ‌డం క‌రెక్టు కాదని  ఆమె చెప్పారు.  అలాగే మ‌హిళ‌ల పీరియ‌డ్స్ సమయంలో మహిళలు పాటించాల్సిన శుభ్రతపై ప్రభుత్వం ప్రత్యేక దృష్టిసారించింద‌ని ఆమె తెలిపారు. ఇందులో భాగంగా కేంద్ర ఆరోగ్య శాఖ ముసాయిదా తీర్మానాన్ని రూపొందించిందని ఆమె అన్నారు.10 నుంచి 19 ఏళ్ల మ‌ధ్య అమ్మాయిల ఆరోగ్యం కోసం ప్ర‌భుత్వం ప్ర‌త్యేక స్కీమ్‌ను అమ‌లు చేస్తోంద‌ని ఆమె వివరించారు.