మళ్లీ మోదీయే ప్రధాని కావాలి

తెలంగాణ భాగవతం పుట్టిన నేల అని పవన్ కల్యాణ్ గుర్తు చేశారు.  ఈ నేలలో బతుకు భారం అవ్వకూడదని స్పష్టం చేస్తూ ప్రధాని మోదీ నాయకత్వంలో బీసీలు తెలంగాణలో ఎదగాలని అభిలాష వ్యక్తం చేశారు. ప్రధాని మోదీ బీసీలను సీఎం చేస్తామని హామీ ఇచ్చారని హర్షం ప్రకటించారు. అందుకు జనసేన సంపూర్ణ మద్దతు ఉంటుందని ప్రకటించారు. 

తెలంగాణ ఎన్నికల్లో బీజేపీకి అండగా ఉంటామని చెబుతూ తెలంగాణలో బీజేపీతో కలిసి పోటీ చేసేందుకు అవకాశం ఇచ్చినందుకు  పవన్ కళ్యాణ్  ధన్యవాదాలు తెలిపారు. మోదీ గుజరాత్ ముఖ్యమంత్రిగా ఉన్న సమయంలో ఆయన ప్రసంగాలు విని స్ఫూర్తిపొందాని, ఇలాంటి వ్యక్తి ప్రధాని అయితే దేశం బాగుంటుందని భావించానని పేర్కొన్నారు. 

ప్రధాని మోదీ అంటే తనకెంతో ఇష్టమైన నేత అని చెబుతూ తనకు ధైర్యం ఇచ్చి, రాజకీయాల్లో భుజం తట్టిన నాయకుడు మోదీ అని పవన్ గుర్తుచేసుకున్నారు. ఇలాంటి వ్యక్తి పక్కన కూర్చునే అవకాశం లభించినందుకు ధన్యవాదాలు తెలిపారు. మోదీ మూడోసారి ప్రధాని అవ్వాలని, అందుకు జనసేన మద్దతు ఉంటుందని తెలిపారు.