వందే భారత్ రైళ్లతో పడిపోతున్న విమాన టికెట్ ధరలు!

తొలుత నాలుగు రూట్ల (ముంబై, గోవా, సోలాపూర్, షిరిడి)కు సంబంధించిన వన్డే భారత్  రైళ్ల డేటాను మానిటర్ చేస్తోంది భారతీయ రైల్వే. ఇవన్నీ ముంబై నుంచే మొదలవుతున్నాయి. ఈ రూట్లల్లో ఈ తరహా రైళ్లను అధికంగా వినియోగిస్తున్న వారి వయస్సు 31-45 మధ్యలో ఉందని, ఆ తర్వాత 15-30ఏళ్ల వయస్సు వారు ఉన్నారని డేటా సూచిస్తోంది.

మొత్తం మీద ఈ రూట్లలో సెప్టెంబర్ 15 నుంచి అక్టోబర్ 13 వరకు 85,600 మంది పరుషులు, 57,838మంది మహిళలు, 26 ట్రాన్స్జెండర్లు ప్రయాణించారు. ప్రయాణికుల్లో 1-14ఏళ్ల వయస్సు వారి వాటా 5 శాతంగా ఉంది.  అంతేకాకుండా, సెప్టెంబర్లో ఈ నాలుగు రూట్లల్లో వందే భారత్ రైళ్ల ఆక్యుపెన్సీ 77శాతం నుండి 101 శాతం మధ్యలో ఉండటం విశేషం.వందే భారత్ రైళ్లను ప్రజల్లోకి తీసుకెళ్లేందుకు, ప్రయాణికుల నెంబర్లను పెంచుకునేందుకు ఈ డేటా ఉపయోగపడుతుందని భారతీయ రైల్వే భావిస్తోంది. 

“ప్రయాణికుల ఇష్టాలను తెలుసుకునేందుకు ఈ డేటా ఉపయోగపడుతుంది. భవిష్యత్తు కార్యచరణ, సేవలు, ఫుడ్ మెన్యూతో పాటు ఇతర అంశాలను పరిశీలించేందుకు భారతీయ రైల్వేకు ఈ డేటా చక్కగా యూజ్ అవుతుంది,” అని పబ్లిక్ పాలిసీ ఎనలిస్ట్ (మొబిలిటీ అండ్ ట్రాన్స్పోర్ట్) పరేశ్ రావల్ తెలిపారు.