చంద్రయాన్​-3 “ల్యాండింగ్​”పై సర్వత్రా ఉత్కంఠ

చంద్రుడి ఉపరితలంపై దిగుతున్న క్రమంలో ల్యాండర్​ స్పీడ్​ తగ్గుతూ వస్తుంది. ఈ సమయంలో విక్రమ్​ ల్యాండర్​, చంద్రుడి సర్ఫేస్​కు అడ్డంగా ఉంటుంది. ఈ దశను “రఫ్​ బ్రేకింగ్​ ఫేజ్​” అని పిలుస్తున్నారు. మొత్తం 20 నిమిషాల ప్రక్రియలో ఇదే 11 నిమిషాలు ఉంటుంది. 

అక్కడి నుంచి ల్యాండర్​ను ఉపరితలానికి వర్టికల్​గా మారుస్తారు శాస్త్రవేత్తలు. ఇక్కడి నుంచి “ఫైన్​ బ్రేకింగ్​ ఫేజ్​” మొదలవుతుంది. వాస్తవానికి ఫైన్​ బ్రేకింగ్​ దశలోనే చంద్రయాన్​-2 మిషన్​ విఫలమైందని చెప్పుకోవాలి. ల్యాండర్​ను అదుపు చేయడం కష్టంగా మారడంతో, అది చంద్రుడిపై కూలిపోయింది. ఈసారి అలా జరగకుండా అన్ని జాగ్రత్తలు తీసుకున్నామని ఇస్రో చెబుతోంది.

చంద్రుడి ఉపరితలానికి 800 మీటర్ల ఎత్తులో ల్యాండర్​ వేగం దాదాపు సున్నాకు చేరుకుంటుంది. ఆ తర్వాత ల్యాండింగ్​ కోసం ప్రయత్నిస్తుంది. అప్పటికి కూడా రెండు ఇంజిన్​లు ఫైర్​ అవుతూనే ఉంటాయి. వాటి సాయంతోనే చంద్రుడి ఉపరితలంపై అడుగుపెట్టేందుకు విక్రమ్​ ప్రయత్నిస్తుంది. ల్యాండర్​ కాళ్లల్లోని సెన్సార్​లు ఉపరితలంపై దిగినప్పుడు ఇంజిన్​లు ఆఫ్​ అవుతాయి.

ఫలితంగా 20 నిమిషాల ప్రక్రియ పూర్తవుతుంది. ల్యాండింగ్​ ప్రక్రియ కారణంగా ఉపరితలంపై దుమ్ము ఎగిసిపడుతుంది. ఈ దుమ్మును రెగోలిథ్​ అని పిలుస్తున్నారు. ఇది సెటిల్​ అయిన తర్వాత, కొంతసేపటికి ల్యాండర్​ నుంచి ప్రగ్యాన్​ రోవర్​ బయటకి వస్తుంది. ఈ ప్రగ్యాన్​ రోవర్ చంద్రుడి ఉపరితలంపై అడుగుపెట్టి, దాదాపు 14 రోజుల పాటు పరిశోధనలు చేస్తుంది. అయితే.. ల్యాండ్​ అయిన తర్వాత విక్రమ్​ కొన్ని ఫొటోలు పంపుతుంది. వీటిని సక్సెస్​ ట్రోఫీగా పరిగణించవచ్చు.