బెంగాల్‌లో మణిపూర్ తరహా ఘటన

అనంతరం ఆ ఇద్దరు మహిళలను అక్కడి స్థానికులు అర్ధ నగ్నంగా చేశారు. స్థానికుల్లో చాలా మంది మహిళలే ఉండటం గమనార్హం. ఆ తర్వాత వారిని కొడుతూ, ఊరేగింపుగా తీసుకెళ్లారు. ఈ ఘటనపై పోలీసులు స్పందిస్తూ వీడియో చూసిన తర్వాతే తమకు ఘటన గురించి తెలిసిందని తెలిపారు.

“మా వద్దకు వచ్చి ఎవరు ఫిర్యాదు చేయలేదు. వైరల్​ వీడియో చేసిన తర్వాతే మాకు ఈ విషయం గురించి తెలిసింది. ప్రాథమిక దర్యాప్తు ప్రకారం ఇద్దరు మహిళలు దొంగతనానికి పాల్పడుతుండగా దుకాణంలోని ఓ మహిళ వారిని పట్టుకుంది. అనంతరం రోడ్డు మీదకు తీసుకొచ్చింది. స్థానికులు ఆ మహిళలపై దాడి చేశారు. కొందరు మహిళలు వారిద్దరిని అర్ధ నగ్నంగా చేసి కొట్టారు. కొద్ది సేపటి తర్వాత బాధితులు అక్కడి నుంచి పారిపోయారు” అని వివరించారు. 

అయితే దుకాణదారులు కూడా ఫిర్యాదు చేయలేదని పోలీస్ అధికారులు వెల్లడించారు. కాగా, ఇది దొంగతనం కేసు కావడంతో రాజకీయం చేయాల్సిన అవసరం లేదని టిఎంసి నేత, బెంగాల్ మంత్రి శశి పంజా తెలిపారు. ఇద్దరు మహిళలు మార్కెట్ నుండి ఏదో దొంగతనం చేసే ప్రయత్నం చేస్తే, కొందరు మహిళలు పట్టుకుని కొట్టారని చెబుతూ పోలీసులు ఈ విషయమై దర్యాప్తు చేస్తున్నారని, తగు చర్యలు తీసుకుంటారని స్పష్టం చేశారు.