ఏపీలో ఉన్న పెట్టుబడులే తరలిపోతున్నాయి

రివర్స్‌ టెండరింగ్ చేసి అవినీతికి తావు లేకుండా చేస్తానని చెప్పి రాష్ట్రంలో ఉన్న చిన్నాచితక కాంట్రాక్టర్ల మీద మాత్రమే జగన్ ప్రతాపం చూపించారని ఆమె విమర్శించారు. కాంట్రాక్టర్లకు రూ.40-50వేల కోట్ల బకాయిలు ఉన్నాయని చెబుతూ ఇద్దరు ముగ్గురు ఆత్మహత్య చేసుకున్నారని ఆమె ఆరోపించారు. బాపట్లలో 15ఏళ్ల బాలుడిని పెట్రోల్ పోసి చంపేశారని పేర్కొంటూ సొంత బాబాయిని చంపిన కేసు ఏమైందని ఆమె ప్రశ్నించారు.

దిశ యాక్ట్ తెచ్చామని ప్రజల్ని మభ్య పెట్టారని, మహిళలు ఫోన్లు ఊపినా రక్షణ లేకుండా పోయిందని, విశాఖలో ఎంపీ భార్యా, కొడుకును కిడ్నాప్‌ చేసినా రక్షణ లేకుండా పోయిందని ఆమె చెప్పారు. రాష్ట్రంలో శాంతి భద్రతలు లేవని ఆరోపించారు. ప్రత్యేక హోదాకు దీటుగా రాష్ట్రానికి చాలా మేలు కేంద్రం చేసిందన్నారు. రాష్ట్రంలో రోడ్ల పరిస్థితులపై అసహనం వ్యక్తం చేస్తూ జాతీయ రహదారులు 8623 కిలో మీటర్ల నిర్మాణాలకు రూ.1 లక్షా 15 వేల కోట్లు కేంద్రం కేటాయించిందని పురందేశ్వరి తెలిపారు. కేంద్రం ఇచ్చిన నిధులు తప్ప రాష్ట్ర ప్రభుత్వం ఎక్కడ రహదారులు వేసిందో సమాధానం చెప్పాలని ఆమె జగన్ ప్రభుత్వాన్ని నిలదీశారు.