కుమారస్వామి చెబుతున్నదంతా వాస్తవమని, ఆయన ప్రకటనకు తాను మద్దతు తెలుపుతున్నానని విలేకరులతో మాట్లాడుతూ యడియూరప్ప తెలిపారు. కాంగ్రెస్ ప్రభుత్వం తన వాగ్దానాలను నెరవేర్చని పక్షంలో బిజెపి రాష్ట్ర వ్యాప్తంగా ఆందోళన చేపడుతుందని ఆయన చెప్పారు. బిజెపి ఎటువంటి డిమాండ్లు చేయడం లేదని, ప్రజలకు చేసిన ఐదు వాగ్దానాలను అమలు చేయమని మాత్రమే తాము కాంగ్రెస్ ప్రభుత్వాన్ని కోరుతున్నామని ఆయన తెలిపారు.
కాంగ్రెస్ ప్రభుత్వానికి ఐదు వాగ్దానాల అమలు కోసం ఒక వారం రోజుల వ్యవధి ఇస్తున్నామని, అలా జరగని పక్షంలో రాష్ట్రవ్యాప్తంగా అన్ని జిల్లాలలో ప్రభుత్వానికి వ్యతిరేకంగా ఆందోళనలు, నిరసనలు చేపడతామని ఆయన హెచ్చరించారు.
కాగా..కర్నాటకలో మరో అజిత్ పవార్ తయారవుతున్నారని మరో ప్రకటనలో కుమారస్వామి వ్యాఖ్యానించారు. బిజెపికి మద్దతివ్వాలన్న అజిత్ పవార్ నిర్ణయం కర్ణాటకలో కూడా పునరావృతం అవుతుందేమోనన్న ఆనుమానాన్ని ఆయన వ్యక్తం చేశారు. అంటే కర్ణాటక కాంగ్రెస్ లో చీలిక తప్పదనే సంకేతం ఇచ్చారు.
More Stories
కేజ్రీవాల్పై ఎన్ఐఏ దర్యాప్తునకు ఎల్జీ సక్సేనా సిఫార్సు
వీసీల నియామకంపై రాహుల్ వాఖ్యాలపై విద్యావేత్తల ఆగ్రహం
ఎన్నికల వేళ అయోధ్యలో మోదీ రామయ్య దర్శనం