బయ్యారంపై కొత్త డ్రామాకు తెరలేపిన కేటీఆర్

ఒడిశా రాష్ట్రంలో ఉన్న ఐరన్ ఓర్ లకు ఏపీలో ఉండే వైజాగ్ స్టీల్ ఫ్యాక్టరీకి, తెలంగాణకు ఏం సంబంధం? అని ఆమె ప్రశ్నించారు. అదేదో ఈ రెండు లేకపోతే తెలంగాణలో తినడానికి అన్నమే దొరకదనట్లుగా కేటీఆర్ మాట్లాడుతున్నడని ఆమె ఎద్దేవా చేశారు.  ఒడిశా రాష్ట్రంలోని మైనింగ్ లో ఎవరు బిడ్డింగ్ వేశారో అంటూ మరి నిజంగా అక్కడ అవినీతి జరిగితే నవీన్ పట్నాయ్ ప్రభుత్వం ఎందుకు నోరు మూసుకుంది? అక్కడేమైనా బీజేపీ ప్రభుత్వం ఉందా? అని ఆమె నిలదీశారు.

రామగుండంసహా మూతపడ్డ 5 ఎరువుల ఫ్యాక్టరీలను వేల కోట్లు ఖర్చు చేసి పునరుద్దరించి రైతులకు కొరత లేకుండా యూరియా సరఫరా చేస్తున్న ఘనత నరేంద్రమోదీగారి ప్రభుత్వానిదే కదా అని ఆమె చెప్పారు.

తండ్రీకొడుకులు ఎన్ని డ్రామాలు చేసినా  టీఎస్పీఎస్సీ పేపర్ లీకేజీపై బీజేపీ పోరు ఆగదని, మంత్రి కేటీఆర్ ను బర్తరఫ్ చేసేవరకు ఉద్యమిస్తామని విజయశాంతి తేల్చి చెప్పారు. ఈ అంశంపై సిట్టింగ్ జడ్జితో విచారణ జరిపించేదాకా, నష్టపోయిన నిరుద్యోగులకు రూ.లక్ష పరిహారం ఇచ్చేదాకా పోరాటాలను ఉధ్రుతం చేస్తామని స్పష్టం చేశారు. అందులో భాగంగా ఈనెల 15న వరంగల్ లో జరపతలపెట్టిన ‘‘నిరుద్యోగ మార్చ్ ’’కు నిరుద్యోగులంతా తరలిరావాలని ఆమె పిలుపిచ్చారు.