తెలంగాణ గవర్నర్ డా. తమిళసై సౌందరరాజన్ పై అనుచిత వ్యాఖ్యలు చేసిన బీఆర్ఎస్ ఎమ్మెల్సీ కౌశిక్రెడ్డి జాతీయ మహిళా కమిషన్కు క్షమాపణ చెప్పారు. గవర్నర్కు సైతం రాతపూర్వకంగా క్షమాపణ కోరుతూ లేఖ రాస్తానని, ఆ లేఖ కాపీని జాతీయ మహిళా కమిషన్కు కూడా అందజేస్తానని వెల్లడించారు. ఈ విషయాన్ని జాతీయ మహిళా కమిషన్ ట్వీట్ ద్వారా వెల్లడించింది.
గవర్నర్ తమిళిసై పై అవమానకరమైన రీతిలో కౌశిక్రెడ్డి చేసిన వ్యాఖ్యలను మహిళా కమిషన్ తీవ్రంగా పరిగణించింది. ఆ వాఖ్యలను సుమోటోగా స్వీకరించి ఆయనకు కమిషన్ నోటీసులిచ్చింది. జనవరి 25న తెలంగాణ రాష్ట్రంలోని జమ్మికుంటలో జరిగిన ఓ కార్యక్రమంలో తెలంగాణ గవర్నర్ తమిళిసై సౌందర్ రాజన్పై చేసిన వ్యాఖ్యలు వివాదాస్పదమయ్యాయి.
ఈ వ్యాఖ్యలపై అభ్యంతరాలు వ్యక్తం చేస్తూ కొందరు జాతీయ మహిళా కమిషన్ దృష్టికి తీసుకొచ్చారు. మహిళా గవర్నర్పై ఓ ప్రజా ప్రతినిధి అసభ్య పదజాలాన్ని ఉపయోగించడాన్ని తప్పుబడుతూ జాతీయ మహిళా కమిషన్ ఫిబ్రవరి 14న నోటీసులు జారీ చేసింది.
కౌశిక్ రెడ్డి స్వయంగా విచారణకు హాజరుకావాలని ఆదేశించింది. ఆ మేరకు కౌశిక్ రెడ్డి మంగళవారం ఓ న్యాయవాదితో పాటు విచారణకు హాజరయ్యారు. అప్పటికే సిద్ధం చేసుకున్న రాతపూర్వక వివరణను కూడా కమిషన్కు అందజేశారు. జాతీయ మహిళా కమిషన్ చైర్పర్సన్ రేఖా శర్మ స్వయంగా ఈ విచారణ జరిపారు.
విచారణకు వచ్చిన కౌశిక్రెడ్డి క్షమాపణలు చెప్పడంతో కథ సుఖాంతమైంది. ఆ మధ్య గవర్నర్, కేసీఆర్ ప్రభుత్వం మధ్య బడ్జెట్ అసెంబ్లీ సమావేశాల విషయంలో ప్రతిష్టంభన నెలకొని, హైకోర్టు వరకు వివాదం చేరిన సందర్భంలో గవర్నర్ పై కౌశిక్ రెడ్డి చేసిన అనుచిత వాఖ్యలు రాజకీయ దుమారం రేపాయి.
More Stories
అమిత్ షా ఫేక్ వీడియో కేసులో రేవంత్ రెడ్డికి నోటీసులు
దేశాభివృద్ధి కోసం ఆలోచించే ఏకైక పార్టీ
రేవంత్రెడ్డి, కేసీఆర్ వీణా వాణిలాగా అవిభక్త కవలలు