విశ్వకర్మలకు తొలిసారి శిక్షణ, సహాయక పథకాన్ని ఈ బడ్జెట్‌లో ప్రవేశపెట్టామని అన్నారు. మన తృణధాన్యాలకు ప్రపంచంలోనే ఎంతో గుర్తింపు ఉందని, ఇప్పుడు ఈ ‘సూపర్ ఫుడ్’కు ‘శ్రీ అన్న’ అనే పేరుతో కొత్త ఐడెంటిటీ కల్పించామన్నారు. ఇందువల్ల సేద్యం చేసే చిన్నకారు రైతులు, గిరిజనులు స్త్రీ, పురుషులకు ఆర్థిక పరిపుష్టి కలుగుతుందన్నారు. మధ్యతరగతి వర్గానికి ఉపశమనం కలిగించే పలు చర్యలు కూడా బడ్జెట్‌లో తీసుకున్నామని, పన్నుల రేట్లు తగ్గించామని, తగిన ఉపశమనం కల్పించామని ప్రధాని చెప్పారు. ఇందువల్ల మధ్యతరగతి ప్రజలు మరింత మెరుగైన జీవనం సాగించగలరని చెప్పారు.

రక్షణ మంత్రి రాజ్‌నాథ్ సింగ్ ఇచ్చిన ట్వీట్‌లో, ఈ బడ్జెట్‌తో దేశంలో సకారాత్మక  మార్పులు వస్తాయని తెలిపారు. దేశ ఆర్థిక వ్యవస్థ 5 ట్రిలియన్ డాలర్లకు అభివృద్ధి చెందాలనే మన లక్ష్యం దిశగా ఈ మార్పులు నడిపిస్తాయని పేర్కొన్నారు. ఆదాయపు పన్ను మినహాయింపు పరిమితిని పెంచడాన్ని, పన్ను స్లాబులను సవరించడాన్ని ఆయన స్వాగతించారు. ఈ పరిమితిని ప్రస్తుత రూ.5 లక్షల నుంచి రూ.7 లక్షలకు పెంచిన సంగతి తెలిసిందే.

ప్రధాన మంత్రి నరేంద్ర మోదీ మార్గదర్శనంలో ఆర్థిక మంత్రి నిర్మల సీతారామన్ ప్రవేశపెట్టిన బడ్జెట్ అభివృద్ధి, సంక్షేమాలపై దృష్టి సారించిందని రాజ్‌నాథ్ పేర్కొన్నారు. రైతులు, మహిళలు, అణగారిన వర్గాలు, మధ్య తరగతి ప్రజలకు ప్రాధాన్యం లభించిందన్నారు. ఈ బడ్జెట్‌లో రక్షణ రంగానికి రూ.5.94 లక్షల కోట్లు కేటాయించారు. ఇది గత ఏడాది కన్నా 13 శాతం ఎక్కువ.

నారీ శక్తి సాధికారత కోసం …