స్వతంత్ర పోరాటంలో ఆర్ఎస్ఎస్ – 3
రాష్ట్రీయ స్వయంసేవక్ సంఘ్ (ఆర్ఎస్ఎస్) వ్యవస్థాపకుడు డాక్టర్ కేశవ్ బలిరామ్ హెడ్గేవార్ స్వతంత్ర పోరాటంలో క్రియాశీలకంగా పాల్గొన్నారు. విద్యార్థి దశనుండి ఆయనలో స్వతంత్ర భావనలు స్పష్టంగా వ్యక్తమయ్యాయి. ఆర్ఎస్ఎస్ ను ప్రారంభించే ముందు ఆయన విప్లవ కార్యక్రమాలలో, కాంగ్రెస్ లో క్రియాశీలకంగా పనిచేశారు. అనేకమంది విప్లవకారులతో, కాంగ్రెస్ నాయకులతో సన్నిహితంగా వ్యవహరించారు.
ఆయన ప్రజాజీవనం కాంగ్రెస్ తో ప్రారంభమయింది. 1919లో, హెడ్గేవార్ భారత జాతీయ కాంగ్రెస్లో చాలా చురుకుగా మారారు. 1919లో అమృత్సర్ కాంగ్రెస్ సమావేశానికి హాజరయ్యారు. నాగ్పూర్ కాంగ్రెస్లో లోకమాన్య బాలగంగాధర్ తిలక్ అనుచరులు ఏర్పాటు చేసిన ‘రాష్ట్రీయ మండల్’ గ్రూపులో ఆయన క్రియాశీల సభ్యుడు.
హిందీ వారపత్రిక ‘సంకల్ప’ను విస్తరింప చేయడానికి చురుకుగా పనిచేశారు. భారతదేశ జాతీయ నాయకుల జీవితాల ద్వారా యువతను ప్రేరేపించడానికి, ఆయన ‘రాష్ట్రీయ ఉత్సవ్ మండల్’ని స్థాపించారు.
జనవరి 1920లో, డాక్టర్ ఎల్.వి. పరంజ్పే భారత్ స్వయం సేవక్ మండల్ను ప్రారంభించారు. హెడ్గేవార్ మండలంలో చురుకైన సభ్యుడు. డాక్టర్ పరంజపేతో కలిసి పనిచేశారు. జూలై 1920లో, కాంగ్రెస్ సెషన్ కోసం దాదాపు 1,000-1,500 మంది వాలంటీర్లతో కూడిన కార్ప్స్ను ఏర్పాటు చేసేందుకు ప్రయత్నాలు ప్రారంభించారు. ఈ దళాన్ని నిర్వహించడంలో హెడ్గేవార్ ముందంజలో ఉన్నారు.
అయినప్పటికీ, లోకమాన్య తిలక్ ఉత్సాహభరితమైన మద్దతుదారు ఈ ప్రయత్నాలు చేస్తుండగా విషాదం నెలకొంది. 31 జూలై 1920 రాత్రి తిలక్ మరణించారు. తిలక్ మరణించిన తర్వాత, డాక్టర్ మూంజే, హెడ్గేవార్ పాండిచ్చేరి (ప్రస్తుతం పుదుచ్చేరి) వెళ్లారు. వారిద్దరూ తత్వవేత్త- కవి అరబిందో ఘోష్ను కలుసుకొని, కాంగ్రెస్ సమావేశానికి అధ్యక్షత వహించడానికి రావాలని కోరారు. కానీ ఆయన నిరాకరించారు.
కాంగ్రెస్ సెషన్ డిసెంబర్ 1920లో జరిగింది. దీనికి ఆహ్వాన కమిటీలోని 3,000 మంది సభ్యులు, దాదాపు 15,000 మంది ప్రతినిధులు, వేలాది మంది సామాన్య ప్రజలు హాజరయ్యారు. డాక్టర్ పరంజ్పే, హెడ్గేవార్ ప్రతినిధులకు వసతి, ఆహార బాధ్యతలు నిర్వహించారు.
మే 1921లో, మహారాష్ట్ర ప్రాంతంలోని కటోల్, భరత్వాడలో “అభ్యంతరకరమైన” ప్రసంగాలు చేశారని హెడ్గేవార్ ను ‘దేశద్రోహం’ ఆరోపణలపై అరెస్టు చేయగా, బ్రిటిష్ న్యాయమూర్తి ఒక సంవత్సరం జైలు శిక్ష విధించారు. జూలై 1922లో అజనీ జైలు నుండి విడుదలయ్యారు. ఆయనకు స్వాగతం పలుకుతూ, అదే రోజు సాయంత్రం జరిగిన బహిరంగం సభలో కాంగ్రెస్ సీనియర్ నాయకులు మోతీలాల్ నెహ్రూ (భారత తొలి ప్రధాని జవహర్లాల్ నెహ్రూ తండ్రి), హకీమ్ అజ్మల్ ఖాన్ కూడా ప్రసంగించారు.
హెడ్గేవార్ 1922లో ప్రొవిన్షియల్ కాంగ్రెస్ జాయింట్ సెక్రటరీగా నియమితులయ్యారు. హిందుస్థానీ సేవాదళ్, వాలంటీర్ల కాంగ్రెస్ విభాగంలో కూడా ఉన్నారు. సేవా దళ్ను ఏర్పాటు చేసిన హుబ్లీకి చెందిన డాక్టర్ ఎన్.ఎస్. హుబ్లీతో హెడ్గేవార్కు విద్యార్థి రోజుల నుంచి పరిచయం ఉంది. ఖిలాఫత్ ఉద్యమం నేపథ్యంలో 1923లో చెలరేగిన మతపరమైన అల్లర్లు ఒక కీలకాంశంగా మారాయి.
విప్లవకారులతో కార్యక్రమాలు
హిందువుల ఆందోళనను పరిష్కరించడంలో కాంగ్రెస్ నాయకత్వం విఫలమైందని, అందుకే హిందువులను ఏకం చేయడానికి ఒక సంస్థను ఏర్పాటు చేయాల్సిన సమయం ఆసన్నమైందని హెడ్గేవార్ ఆ సమయంలో భావించారు. హెడ్గేవార్ను 1910 మధ్యలో నాగ్పూర్ గ్రూప్ ఆఫ్ రివల్యూషనరీస్ కలకత్తాలోని నేషనల్ మెడికల్ కాలేజీలో (ప్రస్తుతం కోల్కతా) చదివేందుకు పంపారు.
ఆయన నాగ్పూర్ విప్లవకారుల సమూహంలో సభ్యుడు దాజీసాహెబ్ బుటి నుండి ఆర్థిక సహాయం పొందారు. విప్లవ సమూహం అనుశీలన్ సమితి అగ్ర నాయకుడైన పులిన్బిహారి దాస్ పర్యవేక్షణలో విప్లవాత్మక పని కోసం శిక్షణ పొందేందుకు ఆయనను ప్రధానంగా కలకత్తాకు పంపారు. విప్లవ సమూహంలో సభ్యునిగా ఆయుధాలు అందించారు.
అనుశీలన్ సమితి సభ్యునిగా, హెడ్గేవార్ ప్రధాన కార్యాలలో ఒకటి దేశంలోని ఇతర ప్రాంతాలకు రహస్య సాహిత్యం, ఆయుధాల పంపిణీ జరిగేటట్లు చూడటం. ఆయన స్నేహితులు కొరియర్లుగా వ్యవహరించేవారు, స్వయంగా నాగ్ పూర్కు వెళ్లినప్పుడల్లా అక్కడ విప్లవకారుల కోసం రివాల్వర్లను తీసుకెళ్లేవారు. విప్లవకారులలో ఆయన కోడ్ పేరు ‘కోకెన్.’
తన ఐదేళ్ల మెడిసిన్ కోర్సు పూర్తి చేసిన తర్వాత, హెడ్గేవార్ 1916 ప్రారంభంలో నాగ్పూర్కు తిరిగి వచ్చారు. చివరి పరీక్షలో ఉత్తీర్ణత సాధించిన తర్వాత ఆయనకు బ్యాంకాక్లో లాభదాయకమైన ఉద్యోగం వచ్చింది. కానీ ఆయన దానిని స్వీకరించడానికి నిరాకరించారు. నాగ్పూర్కు చెందిన జాతీయవాది అయిన భౌజీ కర్వే సహాయంతో ‘క్రాంతి దళ్’ అనే విప్లవ బృందాన్ని స్థాపించారు.
ఆయనపై ప్రారంభ సంవత్సరాలలో విశేషంగా ప్రభావం చూపిన వారు డాక్టర్ ఎస్.కె. మాలిక్. ఆయన ఎడిన్బర్గ్ లోని నేషనల్ మెడికల్ కాలేజీ ప్రిన్సిపాల్. డాక్టర్ మాలిక్ చాలా సంవత్సరాలు విదేశాలలో ఉండి వైద్యం అభ్యసించారు, అయినప్పటికీ ఆయన జీవన శైలి పాశ్చాత్య దేశాల సాంస్కృతిక ప్రభావాన్ని చూపలేదు. అతను ప్రతి చోట తన మాతృభాషలో మాట్లాడటానికి ఇష్టపడేవారు. కళాశాలలో బోధించే సమయంలో మాత్రమే ఆంగ్లం ఉపయోగించేవారు.
ఎవరైనా భారతీయ భాషల వినియోగానికి వ్యతిరేకంగా ఆంగ్లాన్ని ఉపయోగించడాన్ని తప్పుపట్టినప్పుడల్లా హెడ్గేవార్ తరచుగా డాక్టర్ మాలిక్ ఉదాహరణను ఉటంకిస్తూ ఉండేవారు.
బెంగాల్లోని ముఖ్యమైన జాతీయవాదులందరితో హెడ్గేవార్ సన్నిహిత అనుబంధాన్ని పెంచుకున్నప్పటికీ, ఆయన అత్యంత సన్నిహితంగా ఉన్న ఇద్దరు నాయకులు శ్యాంసుందర్ చక్రవర్తి ,మౌల్వీ లియాఖత్ హుస్సేన్. చక్రవర్తి 1910లో బర్మా (ప్రస్తుతం మయన్మార్)లో ఏకాంత నిర్బంధం తర్వాత కలకత్తాకు తిరిగి వచ్చారు. ఆయన క్రమం తప్పకుండా ‘ప్రతివాసి’, ‘సంధ్య’, ‘వందేమాతరం’ , అనేక ఇతర పత్రికలలో బ్రిటిష్ వ్యతిరేక కథనాలను వ్రాసేవారు.
ఆయన చాలా పేదవాడు. తరచుగా ఒకే ఒక ‘ధోతి’ మాత్రమే కలిగి, కలకత్తా వీధుల్లో చెప్పులు లేకుండా నడిచేవాడు. హెడ్గేవార్, ఆయన స్నేహితులు అతనికి ఆర్థికంగా మద్దతు ఇచ్చారు. అతని కుమార్తె వివాహానికి అన్ని ఏర్పాట్లు చేశారు. ఆయన కూతురు పెళ్లిలో హెడ్గేవార్ స్వయంగా అన్ని ఏర్పాట్లను పర్యవేక్షించారు.
హుస్సేన్ లోకమాన్య తిలక్ భక్తుడు. ‘కుబేర్ వాస్తు భండార్’ అనే స్వదేశీ ప్రొవిజన్ స్టోర్ని కూడా నడిపాడు. హుస్సేన్ తీవ్ర అనారోగ్యానికి గురైనప్పుడు, హెడ్గేవార్ వ్యక్తిగతంగా అతనికి పాలిస్తూ,. రెండు నెలల పాటు నిరంతరం అతని మంచం పక్కనే ఉండి సపర్యలు చేశారు.
More Stories
దేశం సుభిక్షంగా ఉండాలంటే మోదీ రావాలి
ఏపీని అన్ని విధాలా నాశనం చేసిన వ్యక్తి జగన్మోహన్’
మోదీ, రాహుల్ ప్రసంగాలపై ఈసీ నోటీసులు