పోలీసులు దగ్గరుండి దాడి చేయించారు…. అరవింద్

 టీఆర్ఎస్ అడ్డుపడుతున్నది తనకు కాదు.. అభివృద్ధికి అని ఎంపీ అర్వింద్ విమర్శించారు. కరోనా నిబంధనలు బీజేపీ కార్యకర్తలకు మాత్రమే వర్తిస్తాయా? అని అర్వింద్ ప్రశ్నించారు. బీజేపీ ఎంపీలను అడ్డుకుంటున్న పోలీసులు,.. అధికార పార్టీ వారిని ఎందుకు అడ్డుకోరు? అని నిలదీసేరు. టీఆర్ఎస్ నేతల దౌర్జన్యాలు పోలీసులకు కనిపించడం లేదా? అని అర్వింద్ ప్రశ్నించారు.

అరవింద్ పై జరిగిన దాడిని బిజెపి జాతీయ ఉపాధ్యక్షురాలు, మాజీ మంత్రి డీకే అరుణ ఖండించారు. బిజెపిని ఎదుర్కోలేక దాడులు చేయడం కెసిఆర్ నియంతృత్వ పాలనకు నిదర్శనం అని ఆమె ఆగ్రహం వ్యక్తం చేశారు. కెసిఆర్ బెదిరింపులు, దాడులకు బిజెపి కార్యకర్తలు భయపడరని ఆమె స్పష్టం చేశారు. నియంత రజాకార్ సర్కారుపై బిజెపి పోరాటం ఆగదని ఆమె హెచ్చరించారు.