బిజెపిపై దూకుడు పెంచి కేసీఆర్ ఆత్మరక్షణలో పడ్డారా!

హుజురాబాద్ ఉపఎన్నికల్లో సర్వశక్తులు సమీకరించిన తమ అభ్యర్థిని గెలిపోయించుకోలేక పోవడమే కాకుండా, తనపై తిరుగుబాటు చేసి బిజెపి అభ్యర్థిగా పోటీచేసిన ఈటెల రాజేందర్ కు 20 వేలకు పైగా ఓట్ల ఆధిక్యత లభించడంతో కలత చెందిన ముఖ్యమంత్రి కేసీఆర్ దిక్కుతోచక బిజెపిని లక్ష్యంగా చేసుకొని పోరాటం అంటూ మొదలుపెట్టారు.

పార్లమెంట్ శీతాకాల సమావేశాలలో తమ ఎంపీలతో నిరసనలు చేయించి, నవ్వులపాలవుతున్నామని గ్రహించి వారిని వెనుకకు పిలిపించారు.  మరోవంక, ప్రధాని నరేంద్ర మోదీని, రాష్ట్ర బిజెపి అధ్యక్షుడు బండి సంజయ్ లను లక్ష్యంగా చేసుకొని వ్యక్తిగత విమర్శలు చేయడం ప్రారంభించారు.

ఉద్యోగుల బదిలీ సమస్యలు ప్రభుత్వం దృష్టికి తీసుకు రావడానికి తన కార్యాలయంలో నిరసన చేపట్టిన సంజయ్ ను ఒక ఉగ్రవాదిని అరెస్ట్ చేసిన్నట్లు పోలీసులు దౌర్జన్యపూరితంగా వ్యవహరించారు. బెయిల్ కూడా ఇవ్వడానికి వీల్లేని సెక్షన్లు నమోదు చేశారు.

ఒక వంక హైకోర్టు మొట్టికాయలు  వేసి, సంజయ్ ను విడిపించడం, మరోవంక బీజేపీ జాతీయ నాయకత్వం ఆగ్రహంతో సంజయ్ కు బాసటగా నిలబడడంతో కేసీఆర్ కు ఏమి చేయాలో తోచినట్లు లేదు. మూడో కూటమి అంటూ ఏ ఈలోగా ప్రాంతీయ పార్టీ నేతలను కలవడం ప్రారంభించారు.

దిక్కుతోచక ఏదో ఒకటి చేయడమే  గాని,  పర్యవసానాలు ఆలోచించి అడుగులు వేస్తున్నట్లు కనిపించడం లేదు.

ఈ పరిస్థితులలో జనవరి 17న జరిగిన రాష్ట్ర మంత్రివర్గ సమావేశం అనంతరం ఆయన మీడియా సమావేశంలో బిజెపిపై మరోసారి దండయాత్ర చేస్తారనే సంకేతం ఇచ్చారు.

 మంత్రివర్గం సహితం బిజెపి పైననే దృష్టి సారిస్తుంది  అన్నట్లు వ్యవహరించారు. అయితే కేసీఆర్ అర్ధాంతరంగా మీడియా సమావేశాన్ని రద్దు చేసుకోవడం, బిజెపి గురించి పల్లెత్తు మాట తినకపోవడం ఆయన పార్టీ నేతలకు కూడా విస్మయం కలిగించింది.

సమస్యలు, విధానాలపై కాకుద్నా జాతీయ రాజకీయాలలో తలదూర్చడం, బిజెపిని లక్ష్యంగా చేసుకోవడం రాజకీయంగా తమకే నష్టం కలిగిస్తుందని కేసీఆర్ గ్రహించిన్నట్లు చెబుతున్నారు. కొందరు మంత్రల పని తీరు, ధరణి పోర్టల్, థర్డ్ ఫ్రంట్, బీజేపి ని విమర్శించడం, బండి సంజయ్ అరెస్ట్ వంటి అంశాలు సీఎం చంద్రశేఖర్ రావు కు శరాఘాతంగా పరిణమించినట్టు తెలుస్తోంది. 

చేస్తున్రారని, ఇలాంటి చర్యల వల్ల పార్టీకి నష్టమని కేసీఆర్ స్వయంగా  కొంత మంది మంత్రులను భేటలో తీవ్రండామంత్రివర్గ సమావేశంలో తీవ్రంగా మందలించినట్టు తెలుస్తోంది.