లూధియానా కోర్టులో భారీ పేలుడు … ఒకరు మృతి 

ఈ ప్రేలుడు వెనుక పాకిస్థాన్ ప్రేరేపిత ఉగ్రవాదుల ప్రమాదం ఉండవచ్చనే అనుమానాలు వ్యక్తం అవుతున్నాయి. కేంద్ర హోమ్ మంత్రిత్వ శాఖ రాష్ట్ర ప్రభుత్వం నుండి పేలుడుకు సంబంధించి సమగ్ర నివేదికను కోరింది.  భవనంలో ఒక సెక్షన్‌ బిల్డింగ్‌ రెండుగా చీలిపోయింది.

పేలుడు సమయంలో జిల్లా కోర్టు పూర్తి రద్దీగా ఉంది. విషయం తెలిసిన వెంటనే పోలీసులు అక్కడకు చేరుకుని సహాయక చర్యలు ప్రారంభించారు. భవనంలోని ప్రజల్ని బయటకు తీసుకురావడంతో పాటు, క్షతగ్రాతుల్ని ఆసుపత్రులకు తరలించారు. తీవ్రంగా గాయపడిన ఐదుగురిలో ఇద్దరు మహిళలున్నారు.

గాయపడిన వారిలో నలుగురి ప్రాణాలకు ప్రమాదం లేదని తెలిపారు. డిప్యూటీ కమిషనర్‌ ఆఫ్‌ పోలీస్‌ కార్యాలయానికి సమీపంలోనే కోర్టు భవనంలోనే పేలుడు జరగడం సంచలనంగా మారింది.