దాడి చేయించిన కేసీఆర్ కుటుంభంను జైలుకు పంపుతా 

టీఆర్ఎస్ వైఫల్యాలపై రైతులు, ప్రజలు, బీజేపీ కార్యకర్తలు తిరగబడే రోజు ఆసన్నమైందని దుబ్బాక బీజేపీ  ఎమ్మెల్యే రఘునందన్ రావు హెచ్చరించారు.

రైతుల దగ్గరకి బీజేపీ నాయకులు వెళ్తే కేసీఆర్ వెన్నులో వణుకు పుడుతోందని ఆయన ధ్వజమెత్తారు. మొత్తం కేసీఆర్ కనుసన్నల్లోనే దాడులు జరుగుతున్నాయని ఆయన ఆరోపించారు. శాంతి భద్రతలను కాపాడటం లో కేసీఆర్ సర్కారు విఫలం అయ్యిందని ఆయన మండిపడ్డారు.

రైతులకు టీఆర్ఎస్  చేసిన మోసం, దగా పూర్తిగా అర్థం అయ్యిందన్నారు. రైతులకు చేసిన మోసాలకు కేసీఆర్ సర్కారు తగిన మూల్యం చెల్లించే రోజు ఆసన్నమైందని రఘునందనరావు హెచ్చరించారు. పోలీసులు కేసీఆర్ సర్కారుకు భయపడి చేష్టలుడిగి చూస్తున్నారని ఎమ్మెల్యే ఆందోళన వ్యక్తం చేశారు.

బండి సంజయ్ నల్లగొండ జిల్లాలోని రైతులను కలవడానికి వెళ్తే టీఆర్ఎస్ పార్టీ కార్యకర్తల అడ్డుకోవడంపై బీజేపీ ఎమ్మెల్యే రాజాసింగ్ ఆగ్రహం వ్యక్తం చేస్తూ తెలంగాణ రాజకీయం ఎటువైపు వెళ్తుందో అర్థం కావడంలేదని  విస్మయం వ్యక్తం చేశారు. ‘రైతులను కాపాడాల్సిన ముఖ్యమంత్రి.. రైతులను మోసం చేసే ముఖ్యమంత్రి అయ్యాడని ధ్వజమెత్తారు.

అసెంబ్లీలో మాత్రం ప్రతి గింజా కొంటాం అంటారు. బయట మాత్రం కేంద్రంపై అబంఢాలు వేస్తారు. సీఎం కేసీఆర్ చాలా తెలివిగలవాడినని అనుకుంటారు. కానీ అంత తెలివిగలవారయితే చిన్నచిన్న విషయాలపై రాజకీయం చేయరని విమర్శించారు. ఒక హుజురాబాద్ ఉపఎన్నికలో ఓడిపోతేనే ఇంత రెచ్చిపోయి మాట్లాడాలా? అని ప్రశ్నించారు. ముందుముందు ఇంకా చాలా ఎన్నికలు వస్తాయని స్పష్టం చేశారు.

“మీరు భయంతో ముందస్తు ఎన్నికలకు  కూడా పోయేలా కనిపిస్తున్నారు. ఆ ఎన్నికలలో ఎంత బలం పెడతారో పెట్టండి. మీరు తప్పుడు కామెంట్లు చేస్తూ గెలవాలనుకుంటున్నారు. మా అధ్యక్షుడు నిజాలు మాత్రమే కామెంట్ చేస్తారు. ఆయనపై మాకు గర్వంగా ఉంది. చిన్నచిన్న నేతలతో కలిసి తప్పుడు కామెంట్లు చేస్తే మీకే నష్టం అయితది. యావత్ తెలంగాణ ప్రజలు మిమ్మల్ని గమనిస్తున్నారు” అంటూ కేసీఆర్ ను రాజాసింగ్ హెచ్చరించారు.