తెలంగాణ ప్రగతి కోసం బండి మరో ఉద్యమం `పాదయాత్ర’

అంతేకాదు, పాలనా యంత్రాంగంలో, అధికార పార్టీ నేతలలో నెలకొన్న అవినీతి వారినేవిధంగా ఇబ్బందులకు గురిచేస్తుందో కూడా వెలుగులోకి తీసుకు రానున్నారు. డబల్ బెడ్ రూమ్, నిరుద్యోగ భృతి, ప్రభుత్వ ఉద్యోగాల భర్తీ, గిరిజనులకు మూడెకరాల భూమి, రైతు రుణ మాఫీ…. వంటి ఎన్నో హామీల వర్షం కురిపించారు.

సచివాలయంకే రాకుండా ఫార్మ్ హౌస్ నుండి పాలన సాగించే ముఖ్యమంత్రి దేశంలో కేవలం తెలంగాణలో మాత్రమే ఉండడం గమనార్హం. ఆయన మంత్రులకు, సీనియర్ అధికారులకు సహితం అందుబాటులో ఉండరు. తెలంగాణపై కుటుంభం పాలనను రుద్ది, ప్రజలకు జావీబుదారీతనం అనేడిది లేకుండా పోతున్నది.

ఒకొక్క ఎన్నిక సందర్భంగా ఒకొక్క భారీ పధకం ప్రకటించారు. అయితే ఇవ్వన్నీ ఎన్నికలకే పరిమితమా? ఆ తర్వాత వాటిని అమలు పరుస్తున్నారా? ఆయా పధకాల ప్రయోజనాలు ప్రజలకు నేరుగా చేరుతున్నాయా? ఇటువంటి అంశాలపై నేరుగా ప్రజల నుండి సంజయ్ వాస్తవాలు తెలుసుకొనే ప్రయత్నం చేస్తున్నారు.

జల దోపిడీ అంటూ ప్రజలను రెచ్చగొట్టడమే గాని, నిర్దుష్ట పరిష్కారాలతో కేంద్రం ముందు వస్తే సహాయనిరాకరణ చేస్తున్నారు. ఇటువంటి పరిస్థితులలో తెలంగాణ ప్రజల జీవన పరిస్థితులలో చీకటిని తొలగించి, నూతన వెలుగు నింపడం కోసం బండి సంజయ్ బయలుదేరారు. ప్రజల సాధికారికతతో రాష్ట్ర పురోభివృద్దికోసం వారు తమ గళం విప్పే విధంగా చేయడం కోసం ఈ యాత్ర చేపట్టారు.