పంజ్‌షీర్‌లో తాలిబాన్ వ్యతిరేక కూటమి ఏర్పాటు!

సలేహ్ ట్వీట్ చేసిన అదే రోజున తాను తాలిబాన్‌లో ఎన్నటికీ చేతులు కలిపే ప్రసక్తి లేదని అంటూ ఒక కొత్త చిత్రం తెరపైకి తెచ్చారు.  పంజ్‌షీర్ లోయలో దివంగత తాలిబాన్ వ్యతిరేక కమాండర్ అహ్మద్ షా మసౌద్ కుమారుడు అహ్మద్ మసౌద్‌తో సంప్రదింపులలో సలేహ్‌ను ఆ ఫోటో చూపించింది. 

తాలిబాన్ చేతిలో లేని ఏకైక ప్రాంతం పంజ్‌షీర్ వ్యాలీ.  దాని భౌగోళిక కఠినత్వం, అలాగే ఆఫ్ఘనిస్తాన్ గొప్ప కుమారులలో ఒకరికి జన్మస్థలంగా దానిని జాగ్రత్తగా కాపాడుకొంటున్నారు. సుందరమైన లోయలో తాలిబాన్ వ్యతిరేక కూటమి ఏర్పడిందని ఇప్పుడు కధనాలు వెలువడుతున్నాయి. 

ప్రముఖ తాజిక్ కమాండర్, అహ్మద్ షా మసౌద్ దేశంలో గొప్ప, ఏకీకృత వ్యక్తి. భారత్ సహా ఇరాన్, రష్యా వంటి దేశాలతో ఉత్తర కూటమి ఏర్పాటులో కీలకమైన పాత్ర వహించారు. ఈ కూటమి సాయుధమై  తాలిబాన్లను తరిమికొట్టింది. పంజ్‌షీర్ లోయ దరిదాపుల్లోకి ఇంతకాలం  తాలిబన్లను చేరనీయడం లేదు. 

తరువాత, 1990 లలో, ఆయన బుర్హనుద్దీన్ రబ్బానీ క్యాబినెట్‌లో అత్యంత శక్తివంతమైన రక్షణ మంత్రి అయ్యాడు. సెప్టెంబర్ 9, 2001 న, అమెరికాలో ఉగ్రవాద దాడులకు రెండు రోజుల ముందు, మసౌద్ తన నివాసం వద్ద జర్నలిస్టులుగా నటిస్తున్న ఇద్దరు వ్యక్తుల ఆత్మాహుతి దాడిలో తీవ్రంగా గాయపడ్డారు. పేలుడు పదార్థాన్ని వీడియో కెమెరాలో దాచినట్లు తెలిసింది.

పంజ్‌షీర్‌లో జన్మించిన సలేహ్, అహ్మద్ షా మసూద్ ఆధ్వర్యంలో పోరాడారు. 1990ల చివరలో ఉత్తర కూటమిలో సభ్యుడయ్యారు.  తాలిబాన్ విస్తరణకు వ్యతిరేకంగా పోరాడారు. భారత నిఘా సంస్థల నుండి శిక్షణ పొందారు. ఆఫ్ఘన్ ప్రభుత్వ గూఢచారిగా, తరువాత అంతర్గత మంత్రిగా, దేశ ఉపాధ్యక్షుడిగా పనిచేశారు. తాలిబాన్లు, వారి అనుబంధ సంఘాలు ఆయనను హతమార్చడం కోసం అనేక విఫల ప్రయత్నాలు చేసాయి.

పంజ్‌షీర్‌లో తాలిబాన్ వ్యతిరేక కూటమి ఏర్పడుతోందని పలు అంతర్జాతీయ మీడియా సంస్థలు నివేదించాయి. వాషింగ్టన్ పోస్ట్ రిపోర్టర్ ఎజ్జతుల్లా మెహర్దాద్ పంజ్‌షీర్‌లో తాలిబాన్ వ్యతిరేక కూటమి ఏర్పడుతోందని ధృవీకరించారు. “మాజీ వైస్ ప్రెసిడెంట్ అమ్రుల్లా సలేహ్, అహ్మద్ షా మసౌద్ కుమారుడు అహ్మద్ మసౌద్, మాజీ రక్షణ మంత్రి బిస్మిల్లా ఖాన్ మొహమ్మదీ అఫ్గానిస్థాన్‌లోని పంజ్‌షీర్‌లో తాలిబాన్‌లకు వ్యతిరేకంగా ప్రతిఘటన దళాన్ని ఏర్పాటు చేస్తున్నారు” అని తెలిపారు. 

బీబీసీ యల్డా హకీమ్ కూడా ఇదే విషయాన్ని ధృవీకరించారు. “వైస్ ప్రెసిడెంట్ @అమృల్లాహ్ సలేహ్ 2, అహ్మద్ షా మసూద్ కుమారుడు అహ్మద్ మసూద్‌తో సహా తాలిబాన్ వ్యతిరేక సంకీర్ణం ఏర్పడుతోంది. వారు కాబూల్ నుండి మూడు గంటల ప్రయాణంలో పంజ్‌షీర్‌లో ఉన్నారు” అంటూ వెల్లడించాడు.