సాయిరెడ్డికి సిఐడి సునీల్ కుమార్ తోడు దొంగా?

అయితే భార్య ఉపయోగించే కంప్యూటర్ లోకి ఆమె అనుమతి లేకుండా చొరబడి, ఆ కంప్యూటర్ నుంచి ఇతరులకు సందేశాలు పంపారని, ఈ విషయం రికార్డుల్లో కూడా ఉందని పేర్కొన్నారు. తన ఫోన్ నెంబరును ఉపయోగించి కూడా అదే విధంగా సందేశాలు పంపారని రఘురామ ఆరోపించారు. పీవీ రమేశ్ అప్రమత్తం చేయడంతో తనకు అసలు విషయం తెలిసిందని చెప్పారు.

అప్పట్లో న్యాయమూర్తులపైనా ఓ సాఫ్ట్ వేర్ ప్రయోగించారని పత్రికా కథనం వచ్చిందని రఘురామ గుర్తు చేశారు. సునీల్ కుమార్ పెగాసస్ తరహా సాఫ్ట్ వేర్ లు ఉపయోగిస్తూ ఇలాంటి సందేశాలు రూపొందిస్తున్నారని ఆరోపించారు. తనకు ఎవరితోనో సంబంధం ఉందని, అవతలి నుంచి కొంత అమౌంట్ వస్తుందని ఓ సందేశం రూపొందించారని పేర్కొంటూ కానీ అది తన అకౌంట్ కాదు, తనకు సంబంధించింది కాదని స్పష్టం చేశారు.

కానీ దాని ఆధారంగా సునీల్ కుమార్ సుప్రీంకోర్టులో పిటిషన్ వేసినట్టు, ఈడీ జాయింట్ డైరెక్టర్ కు ఫిర్యాదు చేసినట్టు, ఆ పిటిషన్ తాలూకు ప్రతి సాక్షికి వచ్చినట్టు చెబుతున్నారని విస్మయం వ్యక్తం చేశారు.

సునీల్ కుమార్ చేసిన మతాన్ని రెచ్చగొట్టే వాఖ్యలపై తాను వీడియోల ఆధారాలతో చేసిన ఫిర్యాదులపై కేంద్ర హోంశాఖ దర్యాప్తు చేయవలసిందిగా డిఓపిటిని ఆదేశించున్నట్లు తనకు సమాచారం అందినదని ఆయన చెప్పారు. ఈ దర్యాప్తు నుండి ఎవ్వరు తప్పించుకోలేరని స్పష్టం చేశారు. ఈ వ్యవహారాలపై సిబిఐ దర్యాప్తు కోరుతూ తాను సుప్రీంకోర్టులో కూడా పిటిషన్ వేయనున్నట్లు ఆయన వెల్లడించారు.