ఏలూరుకు అత్యవసరంగా కేంద్ర వైద్య బృందం

కాగా, తెలుసుకోవడానికి ప్రపంచ ఆరోగ్య సంస్థ (డబ్ల్యూహెచ్‌వో) నుంచి వైద్య బృందం కూడా మంగళవారం నాడు ఏలూరుకు రానుంది. ఈ బృందం ఏలూరులో వింత వ్యాధిగా సంచలనం రేపుతున్న వైనంపై అధ్యయనం చేయనుంది. ఈ బృందంలో ప్రపంచ ఆరోగ్య సంస్థ ప్రతినిధులు ఉన్నారని వైద్య అధికారులు మీడియాకు సమాచారం ఇచ్చారు. ప్రపంచ దేశాల దృష్టి పడటంతో వ్యాధిని నిర్ధారించేందుకు డబ్ల్యూహెచ్‌వో బృందం రానుంది.

రెండ్రోజులుగా ఏపీ వైద్య ఆరోగ్యశాఖ మంత్రి ఆళ్ల నాని ఏలూరులోనే ఉన్నారు. ఇవాళ సీఎం వైఎస్ జగన్ మోహన్ రెడ్డి కూడా ఏలూరుకు వెళ్లి పలు ఆస్పత్రుల్లో చికిత్స పొందుతున్న బాధితులను పరామర్శించారు. వింత వ్యాధితో బాధితుల సంఖ్య  పెరుగుతుండడంతో అధికారులతో సీఎం సమీక్ష జరుపుతున్నారు. అన్ని విధాలుగా అండగా ఉంటామని బాధితులకు భరోసా ఇచ్చారు. వ్యాధి కారణాలు, తీసుకోవాల్సిన చర్యలపై చర్చించారు.

మూడు రోజుల వ్యవధిలోనే 443 మందికి పైగా ఆస్పత్రిపాలయ్యారు. వీరిలో 243 కోలుకుని డిశ్చార్జ్ అయ్యారు. 16 మందిని విజయవాడకు తరలించారు. ప్రస్తుతం ఏలూరు ఆసుపత్రిలో 183 మంది చికిత్స పొందుతున్నారు.