ఏపీని అన్ని విధాలా నాశనం చేసిన వ్యక్తి జగన్మోహన్’

పేదల కోసం పూర్తిగా ఉచిత బియ్యం మోదీ అందించారని చెప్పారు. ఆయుష్మాన్ భారత్ కింద ఐదు లక్షల ఉచిత వైద్య సేవలు కల్పించారని, ప్రతి ఇంటికి కుళాయి, మరుగుదొడ్డి నిర్మాణం సాకారం చేశారని తెలిపారు. జల జీవన్ మిషన్ ద్వారా మంచి నీటికొరత లేకుండా చేశారని, నారీ శక్తి ద్వారా మహిళలు వివిధ రంగాల్లో నిలబడేలా చేశారని, స్వతంత్య్రంగా ఎదగడానికి అనేక రుణాలు అమల్లోకి తెచ్చారని, ఏపీలో అనేక కేంద్ర ప్రభుత్వం రంగ సంస్థలను నెలకొల్పారని పీయూష్ గోయల్ వివరించారు.

కాగా, టీడీపీ అధినేత, మాజీ సీఎం చంద్రబాబునాయుడును కేంద్ర మంత్రి పీయూష్ గోయల్ కలిశారు. ఆయనతో పాటు బిజెపి జాతీయ ప్రధాన కార్యదర్శి అరుణ్ సింగ్, జాయింట్ సెక్రటరీ శివప్రకాశ్, రాష్ట్ర జనరల్ సెక్రటరీ మధుకర్ చంద్రబాబుతో భేటీ అయ్యారు. ఉండవల్లిలోని చంద్రబాబు నివాసంలో వీరు సమావేశమయ్యారు. 

టీడీపీ, బీజేపీ, జనసేనల ఉమ్మడి కార్యాచరణపై వీరు చర్చించారు. ఉమ్మడి మేనిఫెస్టోపై చర్చలు జరిపారు. మరోవైపు ప్రధాని నరేంద్ర మోదీ జరుపతలపెట్టిన రాష్ట్ర పర్యటన, బహిరంగ సభల ఏర్పాటు గురించి చర్చించారు.