బీజేపీ నేతల ఫోన్ల ట్యాప్…. కిషన్ రెడ్డి ఆరోపణ 

తెలంగాణ రాష్ట్ర ప్రభుత్వం కేంద్రం పై తప్పుడు ప్రచారాన్ని మానుకోవాలని కిషన్ రెడ్డి హితవు చెప్పారు.  కేంద్ర బృందం రాష్ట్రానికి వచ్చినా రాష్ట్ర ప్రభుత్వం కేంద్రానికి సరైన సమగ్ర నివేదిక రాష్ట్రం ఇవ్వలేదని ధ్వజమెత్తారు. తాను స్వయంగా రాష్ట్ర అధికారులను అడిగినా అధికారులు స్పష్టత ఇవ్వలేదని ఆరోపించారు. 

సీఎం కేసీఆర్ అధికారులతో సమీక్ష చేసి పంటనష్టం పై కేంద్రానికి నివేదిక ఇవ్వాలని డిమాండ్ చేశారు. తెలంగాణ రైతుల పట్ల రాష్ట్ర ప్రభుత్వం పూర్తిగా నిర్లక్ష్యం వహిస్తోందని మండిపడ్డారు. గడిచిన ఆరేళ్లుగా టీఆర్ఎస్ ప్రభుత్వ నిర్లక్ష్యం వల్ల గ్రేటర్ ప్రజలు ఇబ్బందులు పడుతున్నారని చెప్పారు.

కాగా, గ్రేటర్ హైదరాబాద్ లో భారీ వర్ష బాధితులకు రూ.10వేల పంపిణీలో టీఆర్ ఎస్ నేతలు అవినీతికి పాల్పడుతున్నారని కిషన్ రెడ్డి దయ్యబట్టారు. పేదలకు ముందు డబ్బులు ఇచ్చి వెనుక లాక్కుంటున్నారని ఆరోపించారు. గులాబి కండువాలు వేసుకున్న నేతలు శవాల మీద పేలాలు ఏరుకుంటున్నారని ఆగ్రహం వ్యక్తం చేశారు.

టి ఆర్ ఎస్ కార్యకర్తలు దోచుకునేందుకేనా 10 వేలు పంచేదని ప్రశ్నించారు. రైతులకు వరదలు వస్తే రాష్ట్ర ప్రభుత్వం ఏ సహాయం అందిస్తుందో చెప్పాలని నిలదీసేరు. కరోనా సమయంలో రాష్ట్రం ఏమి చేసిందో..కేంద్రం ఏమి ఇచ్చిందో చర్చకు సీఎం కేసీఆర్ చర్చకు సిద్ధమా అంటూ సవాల్ చేశారు.