అమరావతి మహిళలపై వ్యాఖ్యలపై ఎన్‌సీడబ్ల్యూ ఆగ్రహం

మరోవంక, రాజధాని అమరావతి మహిళలపై అసభ్య వ్యాఖ్యల కేసులో సోమవారం అరెస్ట్ చేసిన కొమ్మినేని శ్రీనివాసరావుకు కోర్డు 14 రోజులు రిమాండ్‌ విధించింది. ఈనెల 24 వరకు జ్యుడీషియల్‌ రిమాండ్‌ విధిస్తున్నట్లు మంగళగిరి కోర్టు పేర్కొంది. కొమ్మినేని శ్రీనివాసరావును గుంటూరు జిల్లా జైలుకు తరలించారు. ఇదే కేసులో మరో నిందితుడు కృష్ణంరాజు అజ్ఞాతంలోకి వెళ్లిపోయారు. ఆయన కోసం పోలీసులు గాలిస్తున్నారు.

కొమ్మినేనిని సోమవారం హైదరాబాద్‌లో తుళ్లూరు పోలీసులు అరెస్టు చేశారు. అక్కడి నుంచి విజయవాడ మీదుగా గుంటూరులోని నల్లపాడు పోలీస్ స్టేషన్‌కు పోలీసులు తరలించారు. నేడు తొలుత గుంటూరు జీజీహెచ్‌లో వైద్య పరీక్షల అనంతరం పోలీసులు కొమ్మినేనిని కోర్టుకు తీసుకువచ్చారు.