తమిళనాడు బడ్జెట్‌లో అధికారిక రూపాయి చిహ్నం తొలగింపు

“రూపాయి చిహ్నాన్ని డీఎంకే మాజీ ఎమ్మెల్యే ఎన్. ధర్మలింగం కుమారుడు డి. ఉదయ కుమార్ రూపొందించారు. ఇప్పుడు దానిని తుడిచివేయడం ద్వారా, డీఎంకే జాతీయ చిహ్నాన్ని తిరస్కరించడమే కాకుండా, తమిళ యువకుడి సృజనాత్మక సహకారాన్ని కూడా పూర్తిగా విస్మరిస్తోంది” అని ఆమె ధ్వజమెత్తారు.

“ఇది కేవలం ప్రతీకవాదం కంటే ఎక్కువ – ఇది భారతీయ ఐక్యతను బలహీనపరిచే, ప్రాంతీయ గర్వం పేరుతో వేర్పాటు వాద భావాలను ప్రోత్సహించే ప్రమాదకరమైన మనస్తత్వాన్ని సూచిస్తుంది. భాష, ప్రాంతీయ దురభిమానానికి పూర్తిగా నివారించదగిన ఉదాహరణ” అని సీతారామన్ ఒక ట్వీట్‌లో పేర్కొన్నారు.

తమిళనాడు ప్రభుత్వ నిర్ణయంపై బీజేపీ రాష్ట్ర అధ్యక్షుడు కే అన్నామలై తీవ్ర ఆగ్రహం వ్యక్తం చేశారు.అధికారిక రూపాయి చిహ్నాన్ని మార్చాలని డీఎంకే ప్రభుత్వం నిర్ణయాన్ని ముఖ్యమంత్రి ఎంకే స్టాలిన్‌ మూర్ఖత్వానికి పరాకాష్టగా అన్నామలై అభివర్ణించారు. యావద్దేశం ముందు తమిళ ప్రజలను నవ్వులపాలు చేశారని ఆయన ఆగ్రహం వ్యక్తం చేశారు. 

ఏఐఏడీఎంకే అధికార ప్రతినిధి కోవై సత్యన్‌ స్పందిస్తూ ముఖ్యమంత్రి మూర్ఖపు చర్యకు పాల్పడరాదని, రాష్ట్ర హక్కుల పేరిట ప్రజలను రెచ్చగొట్టరాదని చెప్పారు. రూపాయి చిహ్నాన్ని మార్చినందుకు స్టాలిన్‌పై బీజేపీ ఐటీ విభాగం అధిపతి అమిత్‌ మాలవీయ మండిపడ్డారు.