భారత్ కు `హలాల్’ రూపంలో మరో కొత్త సంకటం

ఈ వస్తువులపై హలాల్ సర్టిఫికేట్ ముద్ర ఉంటున్నది. దీనికి ప్రభుత్వ గుర్తింపు అసలు లేని ప్రైవేటు సంస్థలు సర్టిఫికెట్లను జారీ చేస్తూ ఉన్నాయి. మరి అధికారులు స్పందించడం లేదా?  చాలా మంది ప్రభుత్వ అధికారులకు ఈ విషయమే తెలియదు.  మరికొందరు తెలిసినా దీని వలన పెద్ద నష్టమేమీ లేదు అంటూ దాటవేయడం, చట్టాల గురించి కానీ, ఆర్థిక నష్టాల గురించి గానీ, ముఖ్యంగా భారత ప్రజల నమ్మకాలు, స్వాభిమానం విషయంలో ఏ మాత్రం పట్టింపులేని బ్యూరోక్రసీ నిర్లిప్తంగా ఉండడం సహించరాని విషయం. వెంటనే అధికారులు, ప్రభుత్వ యంత్రాంగాన్ని నడిపే నాయకులు కళ్ళు, చెవులు తెరుచుకుని అధ్యయనం చేయాల్సిన అవసరం ఉంది.

ఎందుకు ఈ హలాల్ సర్టిఫికేట్ ?

ఈ సర్టిఫికెట్ లేనిదే వస్తువులు కొనమని కొంతమంది ప్రతి వస్తువును పరిశీలించి హలాలు సర్టిఫికెట్ ముద్ర ఉండటం గురించి డిమాండ్ చేస్తున్నారని వ్యాపార వర్గాలు అంటున్నాయి. ఇక హోటల్స్, రెస్టారెంట్లు మొదలుకొని అనేక కంపెనీలు  డబ్బులు చెల్లించి హలాల్ సర్టిఫికెట్ తీసుకుని ప్రారంభిస్తున్నారు. ఈ సర్టిఫికెట్లు తీసుకొని వస్తువులను తయారు చేసి వాటిపై వారు నిర్దేశించిన గుర్తులను ముద్రిస్తున్నారు.

విదేశాలకు వస్తువులు ఎగుమతి చేసే కొన్ని స్వదేశీ పరిశ్రమలు కూడా ఈ హలాల్ సర్టిఫికేట్ తీసుకోవడం ఒక తప్పని తతంగంగా మారిపోయింది. ఇలా ఆర్థిక లావాదేవీలు  నెమ్మది నెమ్మదిగా మొత్తానికి మొత్తంగా శాంతి కాముకులమని చెప్పుకొనే ఇస్లాం అనుయాయుల దయాదాక్షిణ్యాలపై కేవలం వ్యాపారాలు, పరిశ్రమలు మాత్రమే కాక భారతదేశ ఆర్థిక వ్యవస్థ ఆధార పడేటట్లు చేయడానికి పెద్ద కుట్రే జరుగుతున్నది.

* హలాల్ చేసిన జంతువులను, హలాల్ ముద్ర కలిగిన వస్తువులను పండ్లు, డ్రై ఫ్రూట్స్ ఔషధాలు ఆయుర్వేదిక్ మందులు ముస్లింలతో పాటు మిగతా మతస్తులు ఎందుకు తినాలి? ఎందుకు వాడాలి గౌరవ ప్రభుత్వ అధికారులు పెద్దలు వివరించగలరా?

* కేరళ రాష్ట్రంలో హలాల్ అనుమతి కలిగిన భవనాల నిర్మాణం, సొసైటీల నిర్మాణం మొదలైంది. ఇది ఎక్కడి వరకు దారి తీస్తుంది?  క్రమంగా ప్రత్యేకమైన ముస్లిం భావాలు కలిగిన ప్రత్యేక భూభాగాలు ఏర్పాటు చేసుకోవడం అంటే ప్రత్యేక రాజ్యంగా ఏర్పాటు చేయడమే కదా! ఇది వ్యతిరేకించదగిన భారత దేశ సార్వభౌమత్వానికి ప్రమాదం కలిగించే భయంకరమైన విధానం.

* వస్తువుల తయారీ జరిగే పరిశ్రమ దగ్గరికి హలాల్ సర్టిఫై చేసేందుకు వచ్చిన పరిశీలనా బృందం కోరుతున్న విషయాలు ఏమిటంటే, ఉదాహరణకు హలాల్ అనుమతి కలిగిన భవనాల నిర్మాణం విషయమే తీసుకుందాం:

ఈ భవనాల నిర్మాణం చేసిన వ్యక్తులు ఇస్లాంను అనుసరించే వాళ్ళుగా ఉండాలి. ఈ భవననర్మాణానికి సమీకరించే ఇటుకలు ఇస్లాంను నమ్మిన వాళ్లే తయారు చేసి ఉండాలి. చివరికి రంగులు ఇస్లాంను నమ్మేవాళ్ళు తయారు చేసినవే అయి ఉండాలి.  రంగులు వేసే వాళ్ళు కూడా ఇస్లాం నమ్మే వాళ్లై ఉండాలి ఇ.లా భవన నిర్మాణానికి వాడే ప్రతి వస్తువును తయారు చేసే ప్రతి వ్యక్తి ఇస్లాంను నమ్మిన వాడై ఉండాలి అనే మూల సూత్రాన్ని పరిశీలించి సిఫార్సు చేస్తేనే హలాల్ సర్టిఫికెట్ వచ్చేది.

ఇలా క్రమంగా హలాల్ అనే భావనకు వెనుక ఇస్లాం మత విస్తరణ, ఇస్లాం మత రాజ్య స్థాపన అనే వ్యూహం కూడా కనబడుతున్నది. దీనిని అర్థం చేసుకొని తగిన విధంగా స్పందించ వలసిన బాధ్యత ప్రభుత్వాలది. ఈ బాధ్యతలను విస్మరిస్తే, ప్రజలు జాగృతమై ప్రభుత్వాలకు గుర్తు చేస్తారు. తమ దేశం, ప్రజల స్వాభిమానాన్ని, సార్వభౌమత్వాన్ని కాపాడుకుంటారని నిరూపిద్దాం.