* తూర్పు లెబనాన్‌పై దాడుల్లో 52 మంది దుర్మణం
తాము జరిపిన వైమానికి దాడుల్లో కసబ్‌తోపాటు ఆయన సహాయకుడు అయ్‌మన్ అయేష్ కూడా హతమైనట్టు ఐడీఎఫ్‌ పేర్కొంది. మరోవైపు కసబ్‌ మృతిని హమాస్ కూడా ధ్రువీకరించింది. ఆయనతోపాటు మరో అధికారి కూడా మరణించినట్టు తెలిపింది. అయితే, ఐడీఎఫ్‌ చెబుతున్నట్టు కసబ్‌ హమాస్‌లో అత్యధిక ర్యాంకులో లేడని, స్థానిక గ్రూపు అధికారి మాత్రమేనని స్పష్టం చేసింది.
కాగా, ఇజ్రాయెల్-హెజ్బొల్లాల మధ్య ఉద్రిక్తతల నేపథ్యంలో తూర్పు లెబనాన్‌పై ఇజ్రాయెల్ మరోసారి విరుచుకుపడింది. లెబనాన్‌లోని హెజ్బొల్లా స్థావరాలే లక్ష్యంగా ఇజ్రాయెల్ వైమానిక దాడులకు పాల్పడింది. ఈ వైమానిక దాడుల్లో 52 మంది దుర్మరణం పాలయ్యారు. మరో 72 మంది గాయపడ్డారు. లెబనాన్‌ ఆరోగ్య మంత్రిత్వ శాఖ ఈ విషయాన్ని వెల్లడించింది.
మరోవైపు హెజ్బొల్లా బలగాలు కూడా ఇజ్రాయెల్‌పై రాకెట్‌ దాడులు చేశాయి. ఈ దాడుల్లో దాదాపు 11 మంది గాయపడినట్లు వార్తా సంస్థలు వెల్లడించాయి. రెండేళ్ల క్రితం హమాస్, ఇజ్రాయెల్ మధ్య మొదలైన పోరులో హెజ్బొల్లా తలదూర్చింది. హమాస్‌కు మద్దతుగా హెజ్బొల్లా కూడా ఇజ్రాయెల్‌పై దాడులకు పాల్పడటంతో.. ఇజ్రాయెల్ అటు గాజాలోని హమాస్‌తోపాటు, లెబనాన్‌లోని హెజ్బొల్లాతో యుద్ధం చేస్తోంది.
More Stories
సిరియా నుంచి 75 మంది భార‌తీయుల త‌రలింపు
చైనా- అమెరికా మధ్య వాణిజ్య యుద్ధంలో విజేతలు ఉండరు
అమెరికా చదువులపై భారత విద్యార్థుల అనాసక్తి