సిద్ధరామయ్యపై ఈడీ కేసు .. ప్లాట్ల ఇచ్చివేతకు భార్య సుముఖత

ముడా స్థలాల కేటాయింపుల్లో ముఖ్యమంత్రి సిద్దరామయ్య కుటుంబం లబ్ధి పొందిందని, ఇందుకోసం ముఖ్యమంత్రి అధికారాన్ని దుర్వినియోగం చేశారని సామాజిక కార్యకర్త టి.జె అబ్రహం గవర్నర్‌కు ఫిర్యాదు చేశారు. అతడితోపాటుగా స్నేహమయి కృష్ణ, ప్రతీప్ కుమార్‌ కూడా సీఎంపై ఫిర్యాదు చేశారు. దానితో ఆగస్టు 16న ముఖ్యమంత్రిని విచారించాలని గవర్నర్ ఆదేశించారు.

అయితే మరోవైపు ఈ ఆదేశాలను రద్దు చేయాలని మంత్రివర్గం తీర్మానం చేసింది. దానిని గవర్నర్ తోసిపుచ్చగా విషయం న్యాయస్థానానికి చేరుకుంది. దీనిపై కోర్టు కీలక తీర్పునిచ్చింది. సిద్ధరామయ్యను విచారించేందుకు గవర్నర్ ఆదేశించడం చట్టబద్ధమేనని వ్యాఖ్యానించింది. లోకాయుక్త అధికారి ఆధ్వర్యంలో దర్యాప్తునకు న్యాయస్థానం అనుమతి ఇచ్చింది. తర్వాత సిద్ధరామయ్యపై లోకాయుక్త పోలీసులు కేసు నమోదు చేశారు.