దేశంలో విద్యుత్ వాహనాల వాడకాన్ని ప్రోత్సహానికి ప్రభుత్వం రూ.500 కోట్లతో కొత్త పథకానికి శ్రీకారం చుట్టుంది. ఈ ప్రత్యేక పధకం నాలుగు నెలల పాటు అందుబాటులో ఉండనుంది. విద్యుత్ వాహనాలను ప్రోత్సహించేందుకు నరేంద్ర మోదీ సర్కార్ తీసుకొచ్చిన ఈ రూ.500 కోట్ల ప్రధకం ఏప్రిల్ 1, 2024 సోమవారం నుంచే అమలులోకి వచ్చింది.
ఈ పధకం2024, జులై 31 వరకు అంటే నాలుగు నెలల పాటు అమలులో ఉంటుంది. మరోవైపు ఇప్పటి వరకు అమలులో ఉన్న రెండో విడత ఫేమ్ (ఫాస్టర్ అడాప్షన్ అండ్ మాన్యుఫాక్చరింగ్ ఆఫ్ ఎలక్ట్రిక్ వెహికల్స్ ఇన్ ఇండియా) ఫేమ్-2 ప్రోగ్రామ్ మార్చి 31, 2024తో ముగిసింది. ఈ క్రమంలోనే కొత్త పథకాన్ని ప్రారంభించడం ఎలక్ట్రిక్ బైక్స్, స్కూటర్స్, త్రీవీలర్స్ , కార్లు కొనుగోలు చేసే వారికి భారీ ఊరట లభించిందని చెప్పవచ్చు.
ఎలక్ట్రిక్ మొబిలిటీ ప్రమోషన్ స్కీమ్ 2024 (ఐఎంపిఎస్ 2024)ను భారీ పరిశ్రమలమంత్రిత్వ శాఖ అమలు చేస్తోంది. ఈ పథకం ద్వారా ఎలక్ట్రిక్ టూ వీలర్ కొనుగోలు చేసిన వారికి రూ.10 వేల వరకు రాయితీ అందిస్తోంది. మొత్తంగా 3.33 లక్షల ఎలక్ట్రిక్ టూ వీలర్లకు ఈ రాయితీ అందించాలని కేంద్రం భావిస్తోంది.
ఆ తర్వాత చిన్న సైజ్ లోని త్రీ వీలర్లు ఇ-రిక్షా, ఇ-కార్ట్స్ కి రూ.25 వేల వరకు సబ్సిడీ లభించనుంది. 41 వేల త్రీవీలర్లకు ప్రోత్సాహకాలు అందించనుంది కేంద్రం. ఆ తర్వాత పెద్ద త్రీ వీలర్లకు రూ.50 వేల వరకు రాయితీ ఇవ్వాలని నిర్ణయించింది. ఆఫ్ టూ వీలర్స్, త్రీ వీలర్స్ ఫాస్టర్ అడాప్షన్ ద్వారా దేశంలో ఈవీల తయారీని ప్రోత్సహించడం, గ్రీన్ మొబిలిటీని పెంచడమే లక్ష్యంగా ఈ పథకాన్ని మార్చి 13నే ప్రకటించింది భారీ పరిశ్రమల మంత్రిత్వ శాఖ.
ఈ పథకం ముఖ్య ఉద్దేశం 3,72,215 ఎలక్ట్రిక్ వాహనాలకు రాయితీలు కల్పించడం. అలాగే అధునాతన సాంకేతికతను ప్రోత్సహించడం. అడ్వాన్స్డ్ బ్యాటరీలను అందించే వాహనాలకు మాత్రమే ఈ పథకం కింద ప్రోత్సాహకాలు లభించనున్నాయని భారీ పరిశ్రమల మంత్రిత్వ శాఖ తెలిపింది.
కేంద్ర ప్రభుత్వ ఆత్మనిర్భర్ భారత్ కార్యక్రమంలో భాగంగా ఈఎంపీఎస్ 2024 దేశంలో సమర్థవంతమైన, పోటీతత్వ, దృఢమైన ఈవీల తయారీ పరిశ్రమను ప్రోత్సహిస్తుందని మంత్రిత్వ శాఖ తెలిపింది. ఈ ప్రయోజనం కోసం దేశీయ తయారీ, ఈవీ సరఫరాను బలోపేతం చేసే విధంగా దశల వారీ తయారీ కార్యక్రమానికి ఆమోదం తెలిపినట్లు పేర్కొంది.
More Stories
ఉల్లి ఎగుమతులపై నిషేధం ఎత్తివేత
ఎయిరిండియాలో ఇక ఉచిత లగేజి 15 కిలోలు మాత్రమే
బంగారం స్మ‌గుల్డ్ చేస్తూ చిక్కిన అఫ్ఘ‌న్ దౌత్య‌వేత్త