‘సూపర్‌ ట్యూస్‌డే ప్రైమరీ’ కింద మంగళవారం దేశంలోని 15 రాష్ట్రాలు, ఒక టెరిటరీలో ప్రైమరీ ఎన్నికలు జరిగాయి. సూపర్‌ ట్యూస్‌డే ఎన్నికల ఫలితాల్లో   బైడెన్‌ సుమారు అన్ని ప్రాథమిక రాష్ట్రాలను కైవసం చేసుకున్నారు. అయితే సమోవాలో జానస్‌ పామర్‌చేతిలో ఓటమిపాలయ్యారు.  ట్రంప్‌ వెర్మొంట్‌ మినహా అన్ని రాష్ట్రాల్లో గెలుపొందారు. వెర్మొంట్‌లో ఆయన ప్రత్యర్థి నిక్కీ హేలీ విజయం సాధించారు. అయితే పార్టీ తరఫున నామినేషన్‌ పొందడానికి ట్రంప్‌ ఈ నెల 12 వరకు, బైడెన్‌ 19 వరకు వేచిచూడాల్సి వుంది.

తాజా రిపోర్టు ప్రకారం డెమోక్రటిక్ అభ్యర్థి జో బైడెన్‌ సుమారు 14 రాష్ట్రాల్లో విజ‌యం సాధించారు. ఐయోవాలో కూడా త‌మ పార్టీ త‌ర‌పున ప్రైమ‌రీ నెగ్గిన‌ట్లు తెలుస్తోంది. ఇక మాజీ అధ్యక్షుడు డొనాల్డ్ ట్రంప్ సుమారు 12 రాష్ట్రాల్లో రిప‌బ్లిక‌న్ నేత‌గా విజ‌యం సాధించారు. దీంతో నిక్కీ హేలీకి ఆయ‌న గట్టి పోటీగా మారారు. అయితే వెర్మోంట్ రాష్ట్రంలో మాత్రం అనూహ్యంగా నిక్కీ హేలీ ప్రైమ‌రీ రేసులో గెలుపొందారు.

ప్రారంభ పోటీలు ముగిసిన అనంతరం సూపర్‌ ట్యూస్‌డే అనేది అధ్యక్ష ఎన్నికల్లో ముఖ్యమైన దశ. అనేక రాష్ట్రాలకు చెందిన ఓటర్లు ఒకే తేదీన జరిగే ప్రైమరీలలో బ్యాలెట్లు వేస్తారు. కాగా, రిబ్లికన్‌ పార్టీలో అధ్యక్ష అభ్యర్థిత్వానికి ఎంపిక కావడానికి 1,215 మంది ప్రతినిధుల మద్దతు కావాల్సి ఉంటుంది.  అయితే, ఈ ప్రైమరీల్లో ట్రంప్‌ విజయ పరంపర కొనసాగిస్తున్నారు. ప్రస్తుతం ఆయనకు మద్దతు పలికే డెలిగేట్ల సంఖ్య 893గా ఉంది. నిక్కీ హేలీకి 66 మంది డెలిగేట్లు మాత్రమే మద్దతిస్తున్నారు.