కేంద్రంలో బీజేపీ ప్రభుత్వం రాష్ట్రాల్లో అభివృద్ధి ద్వారా దేశ వికాసానికి, అభివృద్ధికి కట్టుబడి ఉందని చెప్పారు. దేశ ఆర్ధిక వ్యవస్థకు జవసత్వాలు కల్పించడమే లక్ష్యంగా ముందుకు సాగుతున్నట్లు చెప్పారు. ప్రపంచవ్యాప్తంగా భారత్ సాధిస్తున్న పురోగతిపై చర్చ జరుగుతోందని చెప్పారు. ప్రపంచంలో అతిపెద్ద ఆర్థిక వ్యవస్థగా భారత మార్కెట్లు అవతరించ గలిగాయని పేర్కొంటూ పదేళ్లలో దేశాన్ని అన్ని రంగాల్లో అభివృద్ధి పథంలో ముందుకు నడిపంచినట్టు తెలిపారు.

తెలంగాణ రావడానికి పదేళ్ల ముందు తెలంగాణలో జరిగిన అభివృద్ధి, తెలంగాణ రాష్ట్రం ఏర్పడిన తర్వాత పదేళ్లలో తెలంగాణ సాధించిన ప్రగతి తాము అందించిన సహకారానికి నిదర్శనం అని ప్రధాని తెలిపారు. రానున్న ఐదేళ్లలో మరింత పురోభివృద్ధి జరుగుతుందని, తెలంగాణను అభివృద్ధి పథంలో తీసుకు వెళతామని హామీ ఇచ్చారు.