వస్తు సేవల పన్ను (జీఎస్‌టీ)కి సంబంధించి మార్చ్1 నుంచి కొత్త నిబంధనలు అమలులోకి రాబోతున్నాయి. ముఖ్యంగా ఒక రాష్ట్రం నుంచి మరో రాష్ట్రానికి మధ్య వ్యాపారం కొనసాగించే వారు రూ.5 కోట్లు అంత కంటే ఎక్కువ టర్నోవర్ ఉంటె ఇప్పుడు ఇ- చలాన్ తప్పకుండా ఇవ్వాలి. ఇ- చలాన్ ఇవ్వకుండా ఇ-వే బిల్లు జారీ చేయలేరు.
మార్చి 1 నుంచి అన్ని రకాల వ్యాపార లావాదేవీలకు ఈ నిబంధన వర్తిస్తుంది. జీఎస్‌టీ పన్ను విధానంలో రూ.50 వేలు అంత కంటే ఎక్కువ విలువైన వస్తువులను ఒక రాష్ట్రం నుంచి మరో రాష్ట్రానికి ఎగుమతి చేస్తున్నప్పుడు ఈ-వే బిల్లు అనేది తప్పనిసరి. అయితే, ఈ కొత్త నిబంధనలు అమలులోకి వచ్చిన తర్వాత ఈ -వే బిల్లు జారీ చేయడం మరింత కఠినతరం కానుంది.
చాలా మంది వ్యాపారులు బీ2బీ, బీ2ఈ పన్ను చెల్లింపుదారులతో ఇ-ఇన్‌వాయిస్‌లతో లింక్ చేయకుండానే ఇ-వే బిల్లులు జారీ చేస్తూ లావాదేవీలు జరుపుతున్నట్లు కేంద్ర జాతీయ సమాచార కేంద్రం ఎన్ఐసీ గుర్తించింది. ఈ పన్ను చెల్లింపుదారులందరూ ఇ-చలాన్లకు అర్హులుగా పేర్కొంది.
ఈ కారణంగా కొన్ని సందర్భాల్లో ఇ-వే బిల్లులు, ఇ-చలాన్ల నమోదు సమాచారం సరిపోలడం లేదు. లెక్కల్లో తేడా గమనించిన క్రమంలో ఇ-వే బిల్లు, ఇ-చలాన్ స్టేట్‌మెంట్ పై కేంద్రం దృష్టి సారించింది. దీంతో జీఎస్‌టీ పన్ను చెల్లింపుదారులు మార్చి 1, 2024 నుంచి ఇ-చలాన్ స్టేట్‌మెంట్ లేకుండా ఇ-వే బిల్లు జారీ చేయవద్దని కోరింది.
దీంతో రూ.5 కోట్లు ఆపైన టర్నోవర్ ఉన్న వ్యాపారులు ఇ-వే బిల్లును రూపొందించడానికి ఇ- చలాన్ స్టేట్‌మెంట్ తప్పనిసరిగా సిద్ధం చేయాల్సి ఉంటుంది. అలాగే కస్టమర్లు లేదా నాన్ సప్లయర్లతో ఇతర ట్రాన్సాక్షన్లకు ఇ-వే బిల్లు మునుపటిలా పని చేస్తుందని కేంద్రం వెల్లడించింది. దేశంలో 2017, జులై 1వ తేదీన కేంద్రంలోని మోదీ ప్రభుత్వం జీఎస్‌టీ పన్ను విధానాన్ని తీసుకొచ్చింది. దేశంలోని అన్ని పరోక్ష పన్నులను ఒకే చోట ఏకీకృతం చేసేందుకు ఈ వ్యవస్థను ప్రవేశపెట్టింది.
More Stories
నేరస్తులైన రాజకీయ నేతలను అరెస్టు చేయకుండా ఎలా?
నటి తమన్నా భాటియాకు సైబర్ క్రైమ్ పోలీసుల నోటిస్
ఢిల్లీ లిక్కర్ కేసులో క్విడ్ ప్రోకో