తెలంగాణలో కొత్తగా 15 అమృత్ భారత్ స్టేషన్లు

రైల్వే అభివృద్ధి పనులకు ప్రధాని నరేంద్ర మోదీ సోమవారం శంకుస్థాపన, ప్రారంభోత్సవం చేస్తారని అరుణ్ కుమార్ జైన్ తెలిపారు. కాగా దేశ వ్యాప్తంగా ప్రధాని నరేంద్ర మోదీ 500 కు పైగా అమృత భారత్ రైల్వే స్టేషన్లకు భూమి పూజ, ప్రారంభోత్సవం చేయనున్నట్లు ఆయన చెప్పారు. దేశవ్యాప్తంగా 1500 రైల్వే ఫ్లై ఓవర్లు, అండర్ పాసులను ప్రధాని జాతికి అంకితం చేయనున్నారు. 

ఈ క్రమంలో రూ. 41,000 కోట్ల కంటే ఎక్కువ విలువైన రెండు వేల రైల్వే, మౌలిక సదుపాయాల ప్రాజెక్టులకు శంకుస్థాపన, ప్రారంభోత్సవం చేసి ప్రధాని జాతికి అంకితం చేస్తారు. ఈ నేపథ్యంలో రూ.19,000 కోట్లకు పైగా ఖర్చుతో స్టేషన్లను పునరాభివృద్ధి చేయనున్నారు. స్టేషన్లలో ప్రయాణికులకు ఆధునిక సౌకర్యాలు కల్పించనున్నారు.  తెలంగాణ రాష్ట్రానికి సంబంధించిన ప్రాజెక్టుల విలువ దాదాపు రూ.621 కోట్లు ఉంటుందని చెప్పారు. రాష్ట్రంలో 40 అమృత్ భారత స్టేషన్ల అభివృద్ధికి ఖర్చు రూ. 2,245 కోట్లు ఉంటుందని పేర్కొన్నారు. ఇప్పటికే ప్రధాన నరేంద్ర మోదీ 21 అమృత్ భారత్ స్టేషన్లు అభివృద్ధికి భూమి పూజ చేసినట్లు ఆయన తెలిపారు.

దీంతోపాటు మోదీ దేశంలోని పలు ప్రాంతాల్లో దాదాపు రూ.21,520 కోట్లతో నిర్మించిన రోడ్ ఓవర్ బ్రిడ్జి, అండర్‌పాస్‌లకు శంకుస్థాపన, ప్రారంబోత్సవం చేయనున్నారు. నిర్మాణ పనులు పూర్తైన లెవెల్ క్రాసింగ్ గేట్లను కూడా ఆయన ప్రారంభించనున్నారు. వీటిలో ఢిల్లీలోని తిలక్ బ్రిడ్జ్ రైల్వే స్టేషన్ కూడా ఉంది.

15 కొత్త అమృత్ భారత్ స్టేషన్లు

జడ్చర్ల – రూ.10.94 కోట్లు, గద్వాల్ – రూ.9.49 కోట్లు, షాద్ నగర్ – రూ.9.59 కోట్లు, మేడ్చల్ – రూ.8.37 కోట్లు,  మెదక్ – రూ.15.31 కోట్లు, ఉందా నగర్ – రూ.12.37 కోట్లు, బాసర – రూ.11.33 కోట్లు, యకుత్ పురా – రూ.8.53 కోట్లు, మిర్యాలగూడ – రూ.9.50 కోట్లు, నల్గొండ – రూ.9.50 కోట్లు, వికారాబాద్ – రూ.24.35 కోట్లు, పెద్దపల్లి – రూ.26.49 కోట్లు, మంచిర్యాల – రూ.26.49 కోట్లు./ వరంగల్ – రూ.25.41 కోట్లు,  బేగంపేట్ – రూ.22.57 కోట్లు.