ఎన్నికల్లో బటన్ నొక్కుతామని జగన్ కు అంగన్వాడీలఅల్టిమేటం

తాము ఇంతలా అవస్థలు పడుతున్నా సీఎం జగన్ కు తమ మీద కనికరం కలగడం లేదని వారు ఆవేదన వ్యక్తం చేశారు. రాష్ట్ర వ్యాప్తంగా ఒక లక్ష పదివేల మంది కార్యకర్తలు ఆందోళన చేస్తున్నా సీఎం జగన్ మాత్రం ఏమీ పట్టనట్టు, నిర్లక్ష్యంగా వ్యవహరిస్తున్నారని వారు మండిపడుతున్నారు. సీఎం జగన్ ఎన్నికల్లో హామీ ఇచ్చారని, మీ మాటలను నమ్మి ఓటేస్తే ఇలా అన్యాయం చేస్తారా? అంటూ అంగన్వాడీలు నిలదీస్తున్నారు.

తమ పట్ల ప్రభుత్వ వైఖరితో తీవ్ర ఆవేదన కలుగుతుందని అంగన్వాడి కార్యకర్తలు చెప్తున్నారు. రాష్ట్ర వ్యాప్తంగా మచిలీపట్నం, విజయవాడ, గుంటూరు ఇలా అన్ని ప్రధాన నగరాలలో అంగన్వాడీల ఆందోళనలు కొనసాగుతున్నాయి. ప్రభుత్వం స్పందించకుంటే బుధవారం నుండి సమ్మెను మరింత ఉధృతం చేస్తామని అంగన్వాడి సంఘాల ప్రతినిధులు వెల్లడించారు.