పాలస్తీనా మద్దతుదారుల ర్యాలీతో బ్రిటిష్ హోమ్ మంత్రి ఉద్వాసన

పాల‌స్తీనాకు అనుకూలంగా తీసిన‌ ర్యాలీ విష‌యంలో పోలీసులు వ్య‌హ‌రించిన తీరును ఖండిస్తూ మంత్రి బ్రెవ‌ర్‌మాన్ ఓ ప‌త్రిక‌లో వ్యాసం చేశారు. ఆ వ్యాసంలో ఆమె ప్ర‌ధాని సునాక్ తీరును త‌ప్పుప‌ట్టారు. ప‌త్రిక వ్యాసంలో ఆ మంత్రి వెల్ల‌డించిన అభిప్రాయాల వ‌ల్ల ఘ‌ర్ష‌ణ‌లు మ‌రింత ఉదృతం అయ్యాయి. దీంతో నిర‌స‌న‌కారులు లండ‌న్ వీధుల్లో భారీ ప్ర‌ద‌ర్శ‌న నిర్వ‌హించారు.

ఈ నేప‌థ్యంలో ప్ర‌ధాని రిషి సునాక్ కీల‌క నిర్ణ‌యాన్ని తీసుకోవాల్సి వ‌చ్చింది. బ్రెవ‌ర్‌మాన్ ను వ్య‌క్తిగ‌తంగా స‌మ‌ర్థించినా.. ఆమెను మంత్రి ప‌ద‌వి నుంచి తొల‌గిస్తున్న‌ట్లు సునాక్ తెలిపారు. తన జీవితంలో హోమ్ మంత్రిగా పనిచేయడం తనకు దక్కిన అత్యంత గొప్ప గౌరవం అని ఆమె ఆ తర్వాత తెలిపారు. తనను మంత్రి పదవి నుండి తొలగించేందుకు దారితీసిన పరిస్థితులపై తర్వాత కొన్ని అంశాలను వెల్లడిస్తానని ఆమె చెప్పారు.

కాగా, ఆమె అర్ధాంతరంగా మంత్రి వర్గం నుండి వైదొలగడం ఇది రెండోసారి కావడం గమనార్హం. ఇంతకు ముందు లీజ్ ట్రస్  ప్రభుత్వంలో కూడా 2022లో ఆమె హోమ్ మంత్రిగా పనిచేసారు. అయితే, ఓ అధికార పత్రాన్ని తన వ్యక్తిగత ఇమెయిల్ నుండి పంపారని విమర్శలు తలెత్తడంతో ఆమె రాజీనామా చేయాల్సి వచ్చింది. కానీ, ఆరు నెలల తర్వాత రిషి సునాక్ ప్రధాన మంత్రిగా ప్రమాణస్వీకారం చేస్తున్నప్పుడు ఆమె తిరిగి హోమ్ మంత్రిగా  చేరారు.