* నాంపల్లిలో ఏడుగురు సజీవ దహనం

దీపావళి పర్వదినం సదంర్భంగా హైదరాబాద్‌లోని పలు చోట్ల అగ్ని ప్రమాదాలు జరిగాయి. టపాసులు పేల్చటంతో పలు ప్రాంతాల్లో ఈ అగ్ని ప్రమాదాలు చోటు చేసుకున్నాయి. మల్కాజ్‌గిరిలో భార్యను కాపాడబోయి ఓ వృద్ధుడు మృతి  చెందగా, నాంపల్లి బజార్‌ఘాట్‌లోని ఓ కెమికల్ గోదాంలో ఈ అగ్ని ప్రమాదంలో తొమ్మిది మందికార్మికులు మృతి చెందారు. మృతుల్లో నలుగురు మహిళలు, నలుగురు పురుషులు ఉన్నారు. 

నాంపల్లి బజార్‌ఘాట్‌లో భారీ అగ్నిప్రమాదం సంభవించింది. ఓ కెమికల్ గోదాంలో ఒక్కసారిగా మంటలు చెలరేగాయి. ఈ ప్రమాదంలో ఏడుగురు కార్మికులు మృతి చెందారు. నాలుగు అంతస్థుల వరకు మంటలు వ్యాపించాయి. సమాచారం అందిన వెంటనే అగ్నిమాపక సిబ్బంది అక్కడకు చేరుకుని మూడు ఫైరింజన్లతో మంటలను అదుపుచేసేందుకు యత్నిస్తున్నారు. మరికొంతమంది కార్మికులు మంటల్లో చిక్కుకున్నట్లు సమాచారం. కార్మికులను రక్షించేందుకు సహాయకచర్యలు కొనసాగుతున్నాయి.