ఆటంకాలు అధిగమించి గగన్‌యాన్ ప్రయోగం విజయవంతం

వాస్తవానికి శనివారం ఉదయం 8 గంటలకు ఈ ప్రయోగం జరగాల్సి ఉంది. ఇందుకు సంబంధించి శుక్రవారమే కౌంట్​డౌన్​ మొదలైంది. కాగా చివరి నిమిషంలో 8:30 గంటలకు వాయిదా పడింది. అక్కడి నుంచి 8:45 గంటలకు వెళ్లింది. అంతా సరిగ్గా జరుగుతోందన్న సమయంలో రాకెట్​ లాంచ్​ ‘హోల్డ్​’లోకి వెళ్లిపోయింది. ఫలితంగా ఈ రోజు చేపట్టాల్సిన ప్రయోగం సాధ్యం అవ్వలేదు.

ఇస్రో ఇప్పటివరకు మనుషులను అంతరిక్షంలోకి పంపించలేదు. గగన్​యాన్​తో ఈ బాధ్యతను సమర్థవంతంగా పూర్తిచేయాలని భావిస్తోంది. ముగ్గురు సభ్యుల బృందాన్ని 400 కి.మీల దూరంలోని భూమి కక్ష దగ్గరకు పంపించి, మూడు రోజుల తర్వాత వారిని బంగాళాఖాతంలో సేఫ్​గా ల్యాండ్​ చేయాలని ఇస్రో ప్లాన్​ చేస్తోంది. 

ఇది విజయవంతమయతే అమెరికా, రష్యా, చైనా తర్వాత ఈ ఘనత సాధించిన నాలుగో దేశంగా భారత్​ నిలుస్తుంది. అయితే, ఇది అంత సులభమైన విషయం కాదు. మానవ సహిత మిషన్​లు చేపట్టే ముందు  మానవ రహిత ప్రయోగనాలు విజయవంతం కావాల్సి ఉంటుంది. ఇందులో భాగంగానే శనివారం టీవీ-డీ1 ఫ్లైట్​ టెస్ట్​ చేపట్టాలని నిర్ణయించింది ఇస్రో. ఇందులో కీలకమైన ‘క్రూ ఎస్కేప్​ సిస్టెమ్​’ని పరీక్షించాల్సి ఉంది.

ఈ ప్రయోగం చాలా కీలకం. అనుకోని సమస్య ఏదైనా ఎదురైతే రాకెట్​లో నుంచి వ్యోమగాముల బృందం సురక్షితంగా బయటపడగలదా? లేదా? అన్నది తెలుసుకునేందుకు ఈ ప్రయోగం ఉపయోగపడుతుంది. దీనిని ‘అబార్ట్​’ మిషన్​ అని కూడా పిలుస్తోంది ఇస్రో.  మొత్తం రెండు అబార్ట్​ మిషన్​లు ఉన్నాయి. అంతేకాకుండా ఆర్బిట్​ నుంచి తిరిగి వస్తున్నప్పుడు బంగాళాఖాతంలో సేఫ్​ ల్యాండింగ్​ చేయగలమా? అన్నది నిర్ణయించడానికి కూడా ఈ ప్రయోగం ఉపయోగపడుతుంది. ఇవి విజయవంతం అవ్వడం గగన్​యాన్​ మిషన్​కు చాలా అవసరం.