టీఎంసీ ఎంపీపై ఆరోపణలను ఎథిక్స్‌ కమిటీకి పంపిన స్పీకర్‌

ఈ ఆరోపణలపై మొయిత్రా స్పందిస్తూ ఎలాంటి విచారణకైనా తాను సిద్ధమేనని స్పష్టం చేశారు. ఆమె మంగళవారం ఢిల్లీ హైకోర్టును ఆశ్రయించి తన పరువుకు నష్టం కలిగించేలా ఎలాంటి ఆధారాలు లేని విషయాలను బీజేపీ ఎంపీ దూబే, సుప్రీం కోర్టు న్యాయవాది, పలు మీడియా సంస్థలు ప్రచారం చేస్తున్నాయని, వీటిని తక్షణమే నిలువరించేలా ఆదేశాలు జారీ చేయాలని అభ్యర్థించారు. 

తనను అపఖ్యాతిపాల్జేసిన ఎంపీ దూబే, న్యాయవాది జై అనంత్‌ దెహద్రాయ్‌, సోషల్‌ మీడియా వేదిక ఎక్స్‌, గూగుల్‌, యూట్యూబ్‌ సహా 15 మీడియా సంస్థల నుంచి నష్టపరిహారం ఇప్పించాలని తన పిటిషన్‌లో ఆమె  కోరారు.

మొయిత్రాపై ఆరోపణలు

1. లోక్‌సభలో ఎంపీ మొయిత్రా అడిగిన 61 ప్రశ్నల్లో 50 ప్రశ్నలు ప్రముఖ వ్యాపారి దర్శన్‌ హీరానందాని గ్రూపు, ఆయన వర్గానికి చెందినవే. ఈ ప్రశ్నల్లో ఎక్కువగా అదానీ గ్రూపును టార్గెట్‌ చేసుకున్నారు. ప్రతి ప్రశ్నకు నగదు, బహుమతులు అందుకున్నారు.

2. గత కొన్నేళ్లుగా ఎంపీ మొయిత్రా ప్రధాని మోదీ, కేంద్ర హోం మంత్రి అమిత్‌షాలను లక్ష్యంగా చేసుకున్నారు. అదానీ గ్రూపుపై ప్రశ్నలు సంధిస్తూ మోదీ ప్రభుత్వాన్ని తాను ఇరకాటంలో పడేస్తున్నానే ప్రచారం పొందే ప్రయత్నం చేశారు. ఇది కుట్ర పూరిత చర్య.

3.  పార్లమెంటులో ఎంపీ మొయిత్రా నోటి దురుసుతో విరుచుకుపడతారు. గట్టిగట్టిగా కేకలు వేస్తూ సభలో ఇతర సభ్యులకు అడుగడుగునా అవాంతరాలు సృష్టిస్తారు. దీన్ని ఇతర సభ్యుల రాజ్యాంగ హక్కులపై దాడిగా పరిగణించాలి.

4. ఎంపీ మొయిత్రా అవినీతి వ్యవహారం ముసుగు తొలిగిపోయింది. ‘పార్లమెంటులో ఫైర్‌ బ్రాండ్‌’ అనే ముద్ర వేయించుకుని ఎంజాయ్‌ చేస్తూ పార్లమెంటరీ వ్యవస్థను అపఖ్యాతి పాల్జేశారు.