ఉచితాలు తాలింపు లాంటివి.. వాటిని అడ్డుకోవడం కష్టం

ఏం చేయబోతారో చెప్పే స్వేచ్ఛ పార్టీలకు, వాటిని ఎలా అమలు చేస్తారో తెలుసుకునే హక్కు ఓటర్లకు ఉంటుందని పేర్కొన్నారు. ప్రస్తుత భారం, భవిష్య తరాలను తాకట్టుపెట్టే పరిస్థితి మధ్య సమతౌల్యం సాధించాలని సూచించారు. ఈ విషయం ప్రస్తుతం సబ్ జడ్జి పరిధిలో ఉందని, దీనిపై నిర్ణయం తీసుకుని స్పష్టత లభించిన వెంటనే ఎన్నికల కమిషన్ చర్య తీసుకుంటుందని చెప్పారు.

జీడీపీ నిష్పత్తికి రుణం, మొత్తం ఆదాయానికి వడ్డీ చెల్లింపు, ఆర్థిక బాధ్యత, బడ్జెట్ నిర్వహణ లక్ష్యాలను ఉల్లంఘిస్తారా? అనే దాని గురించి పార్టీలు, ప్రభుత్వం చెప్పాలి. మేనిఫెస్టోలో ఇచ్చిన హామీలను అమలు చేసేందుకు కొన్ని పథకాలను తగ్గిస్తారా? ప్రజలపై అదనపు పన్ను భారం పడుతుందా? అని ప్రశ్నించారు. ప్రతి విషయాన్ని ప్రజల్లోకి తీసుకురావడమే దీని వెనుక ఉద్దేశం అని రాజీవ్ కుమార్ వివరించారు.

రాజకీయ పార్టీలు తమ ఎన్నికల వాగ్దానాల అమలు సాధ్యత, ఆర్థిక పరిస్థితికి సంబంధించి ఓటర్లకు ప్రామాణికమైన సమాచారాన్ని అందజేసేలా నియావళిని సవరించాలని ఎన్నికల కమిషన్ గత ఏడాది అక్టోబరులో ప్రతిపాదించింది.