తెలంగాణ పర్యటనలో రూ 13,500 కోట్ల కార్యక్రమాలకు ప్రధాని శ్రీకారం

తెలంగాణ ఎన్నికలు సమీపిస్తున్న సమయంలో ప్రధాని నరేంద్ర మోదీ తెలంగాణ పర్యటనకు రావడం రాజకీయంగా ప్రాధాన్యత సంతరింప చేసుకుంది. వచ్చే ఎన్నికల్లో గెలుపే లక్ష్యంగా అడుగులు వేస్తున్న బీజేపీ ప్రచార కార్యక్రమాన్ని లాంఛనంగా ప్రారంభించే విధంగా ప్రధాని పర్యటన కార్యక్రమాలు రూపొందిస్తున్నారు.

ఈ పర్యటనలో భాగంగా  పార్టీ నిర్వహించే సభలలో పాల్గొనటంతో పాటు రూ.13,500 కోట్ల కార్యక్రమాలకు శంకుస్థాపనతో పాటు జాతికి అంకితం చేయనున్నారు. మోదీ ప్రారంభించబోయే రైల్వేలైన్ తో హైదరాబాద్, గోవా మధ్య 102కిమీ దూరం తగ్గుతుందని కేంద్ర మంత్రి కిషన్ రెడ్డి తెలిపారు. కాచిగూడ నుంచి రాయచూర్ రైల్వే లైన్‌ను మోదీ ప్రారంభిస్తారని చెప్పారు. 

అక్టోబర్ 3న నిజామాబాద్ పర్యటనలో భాగంగా 8,021కోట్ల ప్రాజక్టులను మోదీ ప్రారంభిస్తారని కిషన్ రెడ్డి వెల్లడించారు. ఎన్టీపీసీలో నూతంగా నిర్మించిన 800 మెగావాట్ల విద్యుత్ ప్రాజెక్టును తెలంగాణ ప్రజలకు మోదీ అంకితం చేస్తారు. నిజామాబాద్ పర్యటనలో భాగంగా పవర్, హెల్త్, రైల్వే ప్రాజక్టులకు మోదీ శంకుస్థాపన చేస్తారు.1369కోట్లతో నిర్మించిన హెల్త్ సెంటర్స్‌కు మోదీ భూమిపూజ చేస్తారు. ఎయిమ్స్ నూతన భవనానికి శంకుస్థాపన చేస్తారని వివరించారు.

ప్రధాని కార్యక్రమ వివరాలు