పార్లమెంటులో పరీక్షలపై చర్చకు ప్రభుత్వం సిద్ధం

ఇదిలా ఉండగా, ప్రభుత్వానికి వ్యతిరేకంగా పార్లమెంట్ ప్రాంగణంలో ప్రతిపక్ష ఎంపీలు నల్ల దుస్తులు ధరించి నిరసన తెలిపారు. ఈ నిరసనలో లోక్‌సభ ప్రతిపక్ష నాయకుడు రాహుల్ గాంధీ, అఖిలేష్ యాదవ్, కాంగ్రెస్ ఎంపీ ప్రియాంక గాంధీ తదితరులు పాల్గొన్నారు. విద్యార్థులు తమ హక్కులను అడుగుతున్నారని ప్రియాంక గాంధీ వాద్రా తెలిపారు.

ఇక, ప్రధాని మోదీ నివాసం బయట నిరసన ప్రదర్శన చేయడం ద్వారా రాహుల్ గాంధీ తన అధికారాలను దుర్వినియోగం చేస్తున్నారని బీజేపీ ఆరోపించింది. దేశాన్ని విభజించడం ద్వారా కాంగ్రెస్ నాయకుడు అధికారంలోకి రావాలని చూస్తున్నారని ఆరోపించింది. రాహుల్​ ‘దేశ వ్యతిరేక శక్తులతో కుమ్మక్కయ్యారని’, ఆయన చర్యను ‘దిశానిర్దేశం లేని’, ‘పిల్లచేష్టల’ రాజకీయాలకు ఉదాహరణగా అభివర్ణించింది.