ఖలిస్థానీ ఉగ్రవాది హత్యలో భారత్​ హస్తం.. కెనడా ప్రధాని!

ఇటీవల ఢిల్లీలో జరిగిన జీ20 సదస్సులో భాగంగా భారత ప్రధాని మోదీ- జస్టిన్​ ట్రూడో మధ్య జరిగిన సమావేశంలో కూడా ఈ అంశం ప్రస్తావనకు వచ్చింది. ఈ విషయంపై మోదీ కాస్త గట్టిగానే మాట్లాడినట్టు తెలుస్తోంది. ఇప్పుడు ఇదే విషయమై  కెనడాలో భారత్​కు చెందిన సీనియర్​​ దౌత్యవేత్తను అక్కడి ప్రభుత్వం బహిష్కరించడంతోఇప్పటికే బలహీనంగా ఉన్న భారత్​- కెనడా బంధం మధ్య మరింత ఉద్రిక్త పరిస్థితులు నెలకొనే అవకాశం ఉంది.

పంజాబ్​ జలంధర్​లోని భార్​సింఘ్​పూర్​లో జన్మించాడు నిజ్జార్​. అతడిని ఎన్​ఏఏ (నేషనల్​ ఇన్​వెస్టిగేషన్​ ఏజెన్సీ) పరారీలో ఉన్న నిందితుడిగా గుర్తించింది. గతేడాది జులైలో నిజ్జార్​పై రూ. 10 లక్షల నగదు​ రివార్డ్​ను కూడా ప్రకటించింది. కాగా  కెనడా సర్రే ప్రాంతంలోని ఓ గురుద్వారాలో జూన్​ 18న కొందరు దుండగులు హర్దీప్​ సింగ్​ నిజ్జార్​ను చంపేశారు. ఇది ప్రపంచవ్యాప్తంగా సంచలనంగా మారింది.

ఈ విషయంపై తమకు సహకరించాలని భారత ప్రభుత్వానికి విజ్ఞప్తి చేశారు ట్రూడో. ఈ పరిస్థితులతో ఇండో- కెనడియన్లు భయపడాల్సి అవసరం లేదని, ఎప్పటిలాగే అందరు కలిసి మెలిసి ఉండొచ్చని ట్రూడో హామీనిచ్చారు.