నుహ్ ఘర్షణల వెనుక ‘‘బిగ్ గేమ్ ప్లాన్’’

ముస్లింల ఆధిపత్యంగల నుహ్‌లో విశ్వ హిందూ పరిషత్, మరికొన్ని సంస్థలు కలిసి సోమవారం నిర్వహించిన బ్రిజ్ మండల్ జలాభిషేక యాత్ర సందర్భంగా మత ఘర్షణలు జరిగిన సంగతి తెలిసిందే. ఈ ఘర్షణల్లో ఇద్దరు హోం గార్డులు సహా ఆరుగురు ప్రాణాలు కోల్పోయారు. ఈ ఘర్షణలకు సంబంధించి 102 కేసులను నమోదు చేసినట్లు, 202 మందిని అరెస్ట్ చేసినట్లు అనిల్ విజ్ చెప్పారు. 

80 మందిని ముందస్తు చర్యల్లో భాగంగా అరెస్ట్ చేసినట్లు తెలిపారు. అవసరమైనపుడు బుల్డోజర్లను నడుపుతామని స్పష్టం చేశారు. దోషులను వదిలిపెట్టేది లేదని అంటూ ఈ హింసాకాండ సూత్రధారులు మూల్యం చెల్లించుకోక తప్పదని హెచ్చరించారు. జరిగిన ఆస్తి నష్టానికి అందుకు బాధ్యులైనవారే పరిహారం చెల్లించేలా చేస్తామన్నాని వెల్లడించాయిరు. 

ఈ ఘర్షణలను కవరేజ్ చేసిన మీడియా ప్రతినిధులు తమ వద్ద ఉన్న వీడియో ఫుటేజ్‌లను పోలీసులకు ఇవ్వాలని, దర్యాప్తునకు సహకరించాలని ఆయన కోరారు. ఈ యాత్రలో పాల్గొన్న భక్తులు కూడా తమ వద్దనున్న వీడియోలను పోలీసులకు అందజేయాలని కోరారు.

కాగా, నేరాలకు పాల్పడేవారి అక్రమాస్తులను ధ్వంసం చేసేందుకు ఉత్తర ప్రదేశ్ ముఖ్యమంత్రి యోగి ఆదిత్యనాథ్ అనుసరించిన పద్ధతిని హర్యానాలో కూడా అనుసరించారు. గురుగ్రామ్‌ జిల్లాలోని తౌరు పట్టణంలో దాదాపు 250 పూరిళ్లు, గుడిసెలను అధికారులు బుల్డోజర్లతో కూల్చివేశారు. నుహ్ జిల్లాలో శనివారం కూడా అక్ర‌మ నిర్మాణాల కూల్చివేత కొన‌సాగుతోంది. ఎస్కేఎం గ‌వ‌ర్న‌మెంట్ మెడిక‌ల్ కాలేజీ వ‌ద్ద రోడ్డు వెంట ఉన్న నిర్మాణాల‌ను బుల్డోజ‌ర్ల‌తో తొలిగిస్తున్నారు. అక్ర‌మంగా నిర్మించిన సుమారు 45 క‌మ‌ర్షియ‌ల్ దుకాణాల‌ను తొల‌గించిన‌ట్లు జిల్లా టౌన్ ప్లాన‌ర్ తెలిపారు.