తొమ్మిదేళ్లుగా తెలంగాణ అభివృద్ధిని మంటగరుపుతూ కేసీఆర్ సాగిస్తున్న ప్రజావ్యతిరేక పాలనపై ఆగ్రవేశాలు వ్యక్తం చేస్తూ అఖిల భారతీయ విద్యార్థి పరిషద్ తెలంగాణ శాఖ ఆధ్వర్యంలో సోమవారం జరిగిన `కదనభేరి’లో రాష్ట్రం నలుమూలల నుండి వేలాది మంది విద్యార్థులు తమ నినాదాలతో హైదరాబాద్ నగరంలో ప్రతిధ్వనింప చేశారు.
రాష్ట్రంలో విద్యా రంగాన్ని పీడిస్తున్న సమస్యలను పరిష్కరించేందుకు విద్యార్థుల సంకల్పాన్ని పరేడ్ గ్రౌండ్స్ లో జరిగిన భారీ బహిరంగసభ వెల్లడి చేసింది. పాఠశాలలు, కళాశాలల్లో తగిన సౌకర్యాలు లేకపోవడం, ఫీజు రీయింబర్స్‌మెంట్‌లు, ఉపాధి సమస్యలపై ద్రోహం వంటి అంశాలపై విద్యార్థులు తమ ఆగ్రహాన్ని వ్యక్తం చేశారు. నాసిరకమైన ప్రభుత్వ పాఠశాలలు, మాఫియా లాంటి కార్పొరేట్ కంపెనీలు తెలంగాణలోని పిల్లలపై విద్యా ఒత్తిడిని కలిగిస్తూ వారి సంక్షేమాన్ని దెబ్బతీస్తున్నాయని ఆందోళన వ్యక్తం చేశారు.
తెలంగాణ ఉద్యమంలో ప్రధాన పాత్ర పోషించిన సాంఘిక సంక్షేమ హాస్టళ్లు, యూనివర్సిటీలు కూడా బడ్జెట్ సమస్యలు, రిక్రూట్‌మెంట్‌తో ఇబ్బందులు పడుతున్నాయి. ఆర్థికంగా స్థిరంగా ఉన్న రాష్ట్రాన్ని అప్పుల ఊబిలో కూరుకుపోయి కేసీఆర్ ప్రభుత్వ నిజాయితీ లేని పాలన, ఆశ్రిత పక్షపాతం సమస్యను మరింత తీవ్రం చేశాయని విమర్శలు గుప్పించారు.
ఏబీవీపీ నేతృత్వంలోని తెలంగాణ విద్యార్థులు రాష్ట్రంలో నెలకొన్న పరిస్థితులలో మార్పుకోసం గంభీరమైన పిలుపిచ్చారు. పెండింగ్‌లో ఉన్న రూ. 5,300 కోట్ల ఫీజు రీయింబర్స్‌మెంట్, స్కాలర్‌షిప్ బకాయిలు విడుదల చేయాలని, పోస్ట్ మెట్రిక్ స్కాలర్‌షిప్‌ల పెంపుదల, ఫీజు నియంత్రణ చట్టం అమలు వంటి చర్యలు చేపట్టాలని డిమాండ్ చేశారు.
కేవలం వ్యాపారాలుగా నిర్వహిస్తున్న కార్పొరేట్ విద్యాసంస్థలను నిషేధించి, సాంఘిక సంక్షేమ హాస్టళ్లు, గురుకులాల్లో వసతి సౌకర్యాలు మెరుగపరచాలని కోరారు. 8,624 రాష్ట్ర ప్రభుత్వ పాఠశాలల పునఃప్రారంభం, 1400% ఫీజు పెంపుదల రద్దు, ప్రభుత్వ భూములను రక్షించడం, నూతన విద్యావిధానం 2020 అమలు జరపాలని పిలుపిచ్చారు.
ఎబివిపి జాతీయ సంఘటనా కార్యదర్శి ఆశిష్ చౌహాన్ జీ మాట్లాడుతూ ప్రగతి భవన్ అంటే కేసీఆర్ కుటుంబానికి చెందిన ప్రగతి మాత్రమేనని, ఫలితంగా తెలంగాణ ప్రజల అవసరాలను గుర్తించడంలో ప్రభుత్వం విఫలమైందని విమర్శించారు. విద్య, వ్యవసాయం, నేటి ఐటీ రంగం సహా తెలంగాణ దాదాపు అన్ని రంగాలు క్షీణిస్తున్నాయని ఆందోళన వ్యక్తం చేశారు.
గడచిన పదేళ్లలో హైదరాబాద్ కు రావాలి అనుకొంటున్న గూగుల్ కంపెనీ ఇక్కడ ఉన్న పరిస్థితులు చూసి వాళ్ళు పక్క రాష్ట్రాలకి వెళ్లిపోయిందని ఆయన చెప్పారు. స్టార్ట్ అప్ కంపెనీల అభివృద్ధిలో తెలంగాణ ఐదవ స్థానంకు దిగజారిందని తెలిపారు. కేసీఆర్ ప్రభుత్వం వేలకొలది పాఠశాలలను మూసివేస్తుందని, ఉన్నత విద్యాసంస్థలలో ఖాళీలని భర్తీ చేయడం లేదని విమర్సించారు.
జాతీయ సంయుక్త సంఘటనా కార్యదర్శి బాలకృష్ణ మాట్లాడుతూ నిజాం పాలనలో హైదరాబాద్‌లోని అధ్వాన్నమైన రోజులకు కేసీఆర్ ప్రభుత్వం ప్రాతినిధ్యం వహిస్తోందని ధ్వజమెత్తారు. ఏబీవీపీ నిర్వహిస్తున్న ఈ కదన భేరి ఆయన వలసవాదుల మైండ్‌సెట్‌కు సందేశం పంపుతుందని స్పష్టం చేశారు. తెలంగాణ విద్యార్థులకు ఏబీవీపీ ఎల్లవేళలా అండగా ఉంటుందని, అసమర్థ బీఆర్‌ఎస్ ప్రభుత్వంపై న్యాయం జరిగే వరకు పోరాడుతుందని బాలకృష్ణ భరోసా ఇచ్చారు.
విద్యార్థుల కనీస అవసరాలను సీఎం కేసీఆర్ విస్మరిస్తున్నారని, ప్రస్తుత ప్రభుత్వం లోపాలతో నిండిపోయిందని ఏబీవీపీ జాతీయ ప్రధాన కార్యదర్శి యాజ్ఞవల్క్య శుక్లా తీవ్రంగా విమర్శించారు. ఎబివిపి ఉద్యమంతో తప్పకుండా ప్రభుత్వం తన తప్పులను గుర్తిస్తుందని, అవసరమైన చర్యలు చేబడుతుందని ఆశాభావం వ్యక్తం చేశారు. విద్యార్థుల హక్కుల కోసం పోరాడటంలో ఎబివిపికి సుదీర్ఘ చరిత్ర ఉందని చెబుతూ ప్రభుత్వాలు తమ అధికారాన్ని దుర్వినియోగం చేసినప్పుడు, జవాబుదారీగా ఉండేందుకు ఇలాంటి ప్రజా ఉద్యమాలు అవసరమని ఆయన స్పష్టం చేశారు.
భారత దేశం ప్రపంచంకు నాయకత్వం వహిస్తుంటే తెలంగాణ మాత్రం అన్ని రంగాలలో వెనుకబడి పోతుందని ఎబివిపి జాతీయ కార్యదర్శి అంకిత్ పవర్ విచారం వ్యక్తం చేశారు. కేసీఆర్ ప్రభుత్వం పేదలకు విద్యను దూరం చేస్తున్నదని చెబుతూ ఎన్నికల సమయంలో యువతకు ఉపాధి అవకాశాల గురించి ఎన్నో హామీలు ఇవ్వడమే గాని ఆ తర్వాత పట్టించుకోవడం లేదని మండిపడ్డారు. అనేక పాఠశాలల్లో విద్యార్థునులపై కనీసం మరుగుదొడ్ల సదుపాయాలు కూడా లేకపోవడం సిగ్గుచేటని విమర్శించారు.
తెలంగాణ ఏబీవీపీ రాష్ట్ర కార్యదర్శి కుమారి ఝాన్సీ మాట్లాడుతూ తెలంగాణ విద్యార్థుల న్యాయమైన డిమాండ్లు సాధించే వరకు ఏబీవీపీ తెలంగాణ పోరాటం చేస్తుందని స్పష్టం చేశారు. చివరగా, ఆమె రాష్ట్ర ప్రభుత్వ వైఫల్యాలపై సీఎం కేసీఆర్‌కు బహిరంగ లేఖ పంపారు. ఎబివిపి లేవనెత్తిన అన్ని డిమాండ్‌లకు కేసీఆర్ సమాధానం చెప్పాల్సిన అవసరం ఉందని ఆమె స్పష్టం చేశారు.
More Stories
రెండేళ్లలో పోలవరం పూర్తిచేస్తాం.. రాజధానిగా అమరావతి చేస్తాం
పోలింగ్‌కు ముందే జారిపోతున్న కాంగ్రెస్‌ ఎంపీ అభ్యర్థులు
పోలవరం పూర్తి చేసే బాధ్యత నాది