అసెంబ్లీ ఎన్నికల్లో ఇచ్చిన అయిదు ప్రధాన హామీల అమలుకు అవసరమైన రూ.52,000 కోట్ల నిధులను కేటాయించినట్లు ఆర్థికమంత్రిగా శుక్రవారం అసెంబ్లీలో బడ్జెట్ ప్రవేశపెట్టిన ముఖ్యమంత్రి సిద్ధరామయ్య ప్రకటించారు. దీనివల్ల 1.3 కోట్ల కుటుంబాలు లబ్ధిపొందుతాయని తెలిపారు. రూ.3.27 లక్షల కోట్లతో 2023 24 ఆర్థిక బడ్జెట్‌ను సిద్ధరామయ్య అసెంబ్లీలో ప్రవేశపెట్టారు. ఇండియన్ మేడ్ లిక్కర్ పై ఎక్సైజ్ డ్యూటీని 20% పెంచారు.
కాగా, సిద్ధరామయ్య సమర్పించిన ప్రస్తుత బడ్జెట్ రాష్ట్ర సమగ్ర అభివృద్ధి ఆలోచన లేకుండా పన్ను రహిత బడ్జెట్. రూ. 85, 000 కోట్లు రుణంగా ఇస్తానని చెప్పారని, ఈ అప్పు కర్ణాటక రాష్ట్ర ప్రజలపై పడుతుందని మాజీ మాజీ ముఖ్యమంత్రి, బీజేపీ సీనియర్ నాయకుడు బీఎస్. యడ్యూరప్ప మండిపడ్డారు.
ఈ విషయమై ట్వీట్ చేస్తూ బడ్జెట్‌ను ప్రవేశపెట్టిన ముఖ్యమంత్రి సిద్దరామయ్య తన మూడు గంటల సుదీర్ఘ ప్రసంగంలో కేంద్రంలోని బీజేపీ ప్రభుత్వం, రాష్ట్రంలోని గత బీజేపీ ప్రభుత్వ ఆర్థిక విధానాలను అనవసరంగా విమర్శించేందుకు చాలా సమయం ఉపయోగించుకున్నారని, గత పాలనా వైఫల్యాన్ని, బసవరాజ్ బోమ్మయ్ నాయకత్వాన్ని ఎత్తిచూపుతూ ప్రగతిని, ఆర్థిక బలాన్ని దాచుకోకుండా బడ్జెట్‌ను ప్రవేశపెట్టి నీచ రాజకీయాలకు పాల్పడ్డారని యడియూరప్ప ధ్వజమెత్తారు.
తొలి కేబినెట్ లోనే హామీలన్నీ అమలు చేస్తామని చెప్పిన కాంగ్రెస్ ప్రభుత్వం ఈ బడ్జెట్ లో ఈ ప్రాజెక్టుల అమలుకు ఆర్థిక సంవత్సరం మొత్తం పట్టే అవకాశం ఉందని అధికారికంగా పేర్కొంది. వాటి అమలుకు అవసరమైన దాదాపు రూ. 52, 000 కోట్లను ఏ విధంగా ఏర్పాటు చేస్తారనే దానిపై సీఎం సిద్దరామయ్య స్పష్టత ఇవ్వలేదని మాజీ సీఎం యడియూరప్ప ఆరోపించారు.
ఇప్పటికే ఉచిత హామీ పథకాల అమలుపై అనేక షరతులు విధించి ప్రజలను మోసం చేసిన కాంగ్రెస్ ప్రభుత్వం రానున్న కొద్ది రోజుల్లో పన్నులు పెంచి ప్రజలను ఇబ్బందులకు గురి చేస్తుందని యడియూరప్ప విమర్శించారు. కాగా, కర్ణాటకలో ఇది సిద్దరామయ్య ప్రవేశపెట్టిన 14వ బడ్జెట్ కావడం విశేషం.
More Stories
వీసీల నియామకంపై రాహుల్ వాఖ్యాలపై విద్యావేత్తల ఆగ్రహం
ఎన్నికల వేళ అయోధ్యలో మోదీ రామయ్య దర్శనం
ప్రజ్వల్ రేవణ్ణపై బ్లూ కార్నర్ నోటీస్