పాట్నాలో జరుగుతున్నది ఫోటో సెషన్

ఒడిశా కలహండి బహిరంగ సభలో నడ్డా మాట్లాడుతూ ప్రధాని నరేంద్ర మోదీని ప్రపంచ నేతలు ప్రశంసించడాన్ని కాంగ్రెస్‌ జీర్ణించుకోలేకపోతోందని నడ్డా ఆరోపించారు. కుటుంబ రాజకీయాలను మోదీ తీవ్రంగా వ్యతిరేకిస్తున్నారని, దేశంలో అభివృద్ధి రాజకీయాలను ప్రవేశపెట్టారని తెలిపారు.

తాము ఒంటరిగా బిజెపిని ఓడించలేమని గ్రహించిన కాంగ్రెస్, ఇతర పార్టీలను కలుపుకుంటోందని కేంద్రమంత్రి స్మృతి ఇరానీ ఎద్దేవా చేశారు. అయినప్పటికీ తామే విజయం సాధిస్తామని ఆమె ధీమా వ్యక్తం చేశారు. ఒంటరిగా ఓడించలేమనే విషయాన్ని ఈ సమావేశం ద్వారా బాహాటంగా వెల్లడించినందుకు ఆమె కాంగ్రెస్ పార్టీకి ధన్యవాదాలు తెలిపారు.