కాశ్మీర్ విలీనం కోసం శ్యామ ప్రసాద్ ముఖర్జీ బలిదానం

మే 8, 1953 న ముఖర్జీ గారు ఆయన అనుచరులు గురుదత్ వైద్, వాజపేయి, బాలరాజ్ మధోక్, తేక్ చంద్, కొందరు విలేకరులతో కలసి జమ్మూ వెళ్ళడానికి ఉదయం 6.30కి ఢిల్లీ స్టేషన్ చేరుకున్నారు. నెహ్రూ  జమ్మూకాశ్మీర్ కు ప్రత్యేక ఇచ్చాక అక్కడ కాశ్మీర్ ప్రధాని అనుమతి లేకుండా అఖరుకు భారత రాష్ట్రపతి కూడా అక్కడ కాలుపెట్టలేరు. మరొమాటలో చెప్పాలి అంటే జమ్మూ కాశ్మీర్  ప్రభుత్వం ఇచ్చిన పర్మిట్ లేకుండా అక్కడ ఏ భారతీయుడు కాలు పెట్టలేరు.

నెహ్రు తెచ్చిన ఈ దుర్మార్గ చట్టంపై నిరసన తెలపడానికి, దేశ ప్రజలను చైతన్య పరచడానికి ఆమరణ దీక్ష చేయడానికి ముఖర్జీ జమ్మూ కాశ్మీర్ కు  ప్రయాణమయ్యారు. అయితే ముఖర్జీ జమ్మూ కాశ్మీర్ లో అడుగు పెట్టిన వెంటనే ఎటువంటి వారెంట్ లేకుండా మే 11న ఆయనను కాశ్మీర్ ప్రధాని షేక్ అబ్దుల్లా అరెస్ట్ చేయించి, శ్రీనగర్ కి దూరంగా నిశాత్ బాగ్ అనే ప్రాంతంలో ఒక పాడు పడిన ఇంటిని జైలుగా మార్చి, దానిలో నిర్బంధించారు.

తన ఆరోగ్యం బాగా క్షీణీస్తోందని తన బంధువులకు తెలుపమని ముఖర్జీ  జైల్ సూపరింటెంట్ ని కోరినా అతను లక్ష్య పెట్టలేదు. అలాగే అతని మరణం వరకు ప్రభుత్వం కూడా ముఖర్జీ ఆరోగ్య విషయమై ఎటువంటి అధికారిక ప్రకటన చేయలేదు. ముందు చూసిన డాక్టర్స్ ఎవరూ మళ్ళీ ముఖర్జీని చూడడానికి రాలేదు. కానీ మరుసటి రోజు జైల్ డాక్టర్ మాత్రమే చూడడానికి  వచ్చి మళ్ళీ స్ట్రేప్టోమిసైన్ ఇచ్చాడు. 

ఆ ఆర్డర్ వెంటనే సంపాదించమని డాక్టర్ అలీ మహమ్మద్ ని ముఖర్జీ అనుచరులు కోరగా ఇక్కడ మంచి డాక్టర్లు పర్యవేక్షణలోనే వున్నారు, మీరు ఆందోళన చెందకండి అని చెప్పారట. ఉదయం11.30 జైల్ అధికారులు టాక్సీ తెచ్చి ముఖర్జీని ఏ మంచి నర్శింగ్ హోమ్ లో కాకుండా ప్రభుత్వ ఆసుపత్రి ప్రసూతి వార్డులో చేర్పించారు.

ముఖర్జీ ఆరోగ్యం అసలు బాగాలేదని ఆయన అనుచరులు దత్, చంద్ లకు జైల్ సూపరింటెండెంట్ 23 తెల్లవారుజామున తెలిపితే వారు  ఆసుపత్రికి 4 గంటలకు చేరుకున్నారు. అయితే ముఖర్జీ ఆ తెల్లవారుజామున 3.40కే స్వర్గస్తులు అయినట్లు ఆస్పత్రి అధికారులు వీరికి తెలిపారు. ఈ అనుమానాస్పద మృతి సమయంలో నిబంధనలు అన్నింటిని తుంగలో తొక్కి కనీసం శవపరీక్ష కూడా నిర్వహించలేదు.

అప్పుడు ప్రధాని నెహ్రు లండన్ పర్యటనలో ఉన్నారు. తాత్కాలిక ప్రధాని మౌలానా ఆజాద్. ముఖర్జీ  పార్థివ శరీరాన్ని ఢిల్లీ కూడా తీసుకురాకుండా నేరుగా కలకత్తాకు విమానంలో తరలించారు. ముఖర్జీ తల్లి జగమయా దేవికి నెహ్రు నుండి సంతాప సందేశం వచ్చింది. 

స్వర్గీయ ముఖర్జీ మృతి సాధారణం కాదు. నెహ్రు, అబ్దుల్లా కుమ్మక్కు అయి ఆయన చనిపోయేటట్లు చేశారు అని ఆయనకు ప్రైవేట్ సెక్రెటరీగా పచేసిన అటల్ బిహారీ వాజపేయి తీవ్ర ఆరోపణ చేశారు. ఏ కుట్రా లేకపోతే మృతదేహానికి శవపరీక్ష  కూడా ఎందుకు చేయలేదు? అనేది ఎప్పటికి జవాబు రాని ప్రశ్నగా మిగిలిపోయింది.