తగ్గనున్న పెట్రోల్, డీజిల్ ధరలు

ప్రస్తుతం హైదరాబాద్ లో లీటర్ పెట్రోల్  రూ.109.66గా ఉంటే, డీజిల్ లీటర్ రూ. 97. 82గా ఉంది. 2022, మే 22వ తేదీ నుంచి ఈ ధరల్లో మార్పు లేదు. అంతకు ముందు అయితే రోజువారీ మార్పులు జరుగుతూ ఉండేవి. అంతర్జాతీయ చమురు ధరలకు అనుగుణంగా, ప్రతిరోజూ పెట్రోల్, డీజిల్ ధరలు పెరగటం, తగ్గటం ఉండేది.

ఏడాది కాలంలో ధరలు స్థిరంగా ఉన్నాయి. అంతర్జాతీయ చమురు ధరలతో సంబంధం లేకుండా ఆయిల్ కంపెనీలు ధరలను మార్చలేదు. ఈ క్రమంలోనే ఆయిల్ కంపెనీలు భారీగా లాభపడ్డాయి. నష్టాలను పూడ్చుకున్నాయి. ఇప్పుడు వస్తున్న లాభాలను ధరల తగ్గింపుతో వినియోగదారులకు బదిలీ చేయాలనే ఆలోచన చేస్తున్నట్లు ఆయిల్ మార్కెటింగ్ కంపెనీలు ప్రకటించడం విశేషం.