రోడ్ మ్యాప్ పవన్ కూడా ఇవ్వొచ్చు

ఏపీలో అరాచక పరిపాలన జరుగుతుందని మాధవ్ విమర్శించారు. వ్యవస్థలు నాశనం చేసి రాష్ట్రాన్ని అధోగతి పాలు చేసిన వైసీపీ అరాచకాలపై కోర్ కమిటీలో నిర్ణయాలు తీసుకున్నామని తెలిపారు. భూ దందాలు, కబ్జాలు, ఇసుక మాఫియా, మద్య నిషేధంపై ఉద్యమం చేయాలని నిర్ణయించామని చెప్పారు. మే 5 నుంచి 16వ తేదీ వరకు రాష్ట్ర, జిల్లా స్థాయిలో ఛార్జ్ షీట్ లు విడుదల చేసే కార్యక్రమాలు చేపడుతున్నామని వివరించారు.

వైసీపీతో బీజేపీ కలిసి కట్టుగా వెళ్తుందన్న ప్రచారాన్ని తిప్పి కొడతామని మాధవ్ స్పష్టం చేశారు. గతంలో టీడీపీ కూడా రాష్ట్రంలో అరాచకాలు చేసిందన్న ఆయన బీజేపీ కుటుంబ పాలన పార్టీలకి వ్యతిరేకమని తేల్చి చెప్పారు. టీడీపీ నేతలు అచ్చెన్నాయుడు, పితాని సత్యనారాయణ ఏదో ఊహించి మాట్లాడుతున్నారని ఎద్దేవా చేశారు.